ബെംഗളൂരു: ദാവണഗരെ ചന്നഗിരി താലൂക്കിലെ മരനഹള്ളിയിൽ കർണാടക ആർ.ടി.സി. ബസ് മറിഞ്ഞ് കോളേജ് വിദ്യാർഥിക്ക് ദാരുണാ ന്ത്യം. 45 പേർക്ക് പരുക്കേറ്റു. ഇതിൽ ഏഴുപേരുടെ നില ഗുരുതരമാണ്. വെള്ളിയാഴ്ച രാവിലെ എട്ടോടെയായിരുന്നു ദാവണഗരെയിൽനിന്ന് ബസവപട്ടണയിലേക്ക് പോകുകയായിരുന്ന ബസാണ് അപകടത്തിൽപ്പെട്ടത്. ബിരുദ വിദ്യാർഥിയായ ഹൊന്നാലി കുണ്ടൂർ സ്വദേശി ദർശൻ (21) ആണ് മരിച്ചത്.
പരുക്കേറ്റവരിൽ ഭൂരിഭാഗം സ്ത്രീകളും വിദ്യാർഥികളുമാണ്. ബസിന്റെ ആക്സിൽ പൊട്ടി ഡ്രൈവർക്ക് നിയന്ത്രണം നഷ്ടപ്പെട്ടതാണ് അപകട കാരണം. തുടർന്ന് ബസ് കോൺക്രീറ്റ് ഡിവൈഡറിലിടിച്ച് മറിയുകയായിരുന്നു. നാട്ടുകാരെത്തിയാണ് അപകടത്തിൽപ്പെട്ടവരെ ബസവപട്ടണയിലെ ജനറൽ ആശുപത്രിയിലെത്തിച്ചത്.
SUMMARY: Karnataka RTC bus overturns, college student dies; 45 injured, seven in critical condition
