ബെംഗളൂരു : 2021-ലെ കർണാടക സംസ്ഥാന ചലച്ചിത്ര പുരസ്കാരങ്ങള് പ്രഖ്യാപിച്ചു. രക്ഷിത് ഷെട്ടിയെ മികച്ച നടനായി തിരഞ്ഞെടുത്തു. ചാർലി 777-ലെ അഭിനയത്തിനാണ് പുരസ്കാരം. മികച്ച രണ്ടാമത്തെ ചിത്രത്തിനുള്ള പുരസ്കാരവും ചാർലി 777 നേടി. മ്യൂട്ട് എന്ന ചിത്രത്തിലെ പ്രകടനത്തിന് അർച്ചന ജോയ്സിനെ മികച്ച നടിയായി തിരഞ്ഞെടുത്തു. രത്നൻ പ്രപഞ്ച എന്ന ചിത്രത്തിലെ അഭിനയത്തിന് പ്രമോദ് മികച്ച സഹനടനും ഉമാശ്രീ മികച്ച സഹനടിയുമായി.
കെ.എം.രഘു സംവിധാനം ചെയ്ത ദൊഡ്ഡഹട്ടി ബോരെഗൗഡയാണ് മികച്ച ച്ചിത്രം. ഹൃദയ ശിവ സംവിധാനം ചെയ്ത ബിസിലു കുദുരെ മികച്ച മൂന്നാമത്തെ ചിത്രത്തിനുള്ള പുരസ്കാരം നേടി. കൃഷ്ണമൂർത്തി ചമരം സംവിധാനം ചെയ്ത ഭാരതദ പ്രജഗളാദ നാവു എന്ന ചിത്രത്തിന് സാമൂഹിക പ്രതിബദ്ധതയുള്ള മികച്ച ചിത്രത്തിനുള്ള പുരസ്കാരം ലഭിച്ചു.
പുനീത് രാജ്കുമാർ അഭിനയിച്ച യുവരത്ന എന്ന സിനിമ മികച്ച ജനപ്രീതിനേടിയ ചിത്രമായി തിരഞ്ഞെടുത്തു.
SUMMARY: Karnataka State Film Award; Rakshit Shetty Best Actor
