തിരുവനന്തപുരം: മദ്യം വാങ്ങാന് 23 വയസ് പൂര്ത്തിയാകണമെന്ന നിബന്ധന കർശനമാക്കാന് ആലോചന. മദ്യം വാങ്ങുന്നതിനായി ഇനി പ്രായം തെളിയിക്കുന്ന രേഖ ഹാജരാക്കേണ്ടി വന്നേക്കുമെന്നാണ് റിപ്പോര്ട്ടുകള്. ഇതിനായി കര്ണാടകയിലെ ‘നോ ഐഡി, നോ എന്ട്രി’ മാതൃക കേരളത്തിലും നടപ്പാക്കുന്നതിനുള്ള ചര്ച്ചകള് പുരോഗമിക്കുകയാണ്.
മദ്യം വാങ്ങാനെത്തുന്നവരുടെ പ്രായത്തിൽ സംശയം തോന്നിയാൽ തിരിച്ചറിയൽ രേഖ ആവശ്യപ്പെടാവുന്ന തരത്തിൽ കര്ശനമാക്കാനാണ് ആലോചന. ‘നോ ഐഡി നോ എൻട്രി’ എന്ന കര്ണാടക മാതൃകയിലാണ് 23 വയസ്സാകാത്തവര്ക്ക് മദ്യ വിൽക്കുന്നതിനുള്ള നിരോധനം കര്ശനമാക്കുന്നത്. വീര്യം കുറഞ്ഞ മദ്യം വിൽപന യുവാക്കളെ ലക്ഷ്യമിട്ടെന്ന ആരോപണത്തിനിടെയാണ് പ്രായപരിധി കര്ശനമാക്കുന്നത്. എക്സൈസ് മന്ത്രി കണ്ട ഫയൽ ഇപ്പോള് മുഖ്യമന്ത്രിയുടെ പരിഗണനയിലാണ്.
18 വയസായിരുന്നു സംസ്ഥാനത്ത് ആദ്യം മദ്യം വാങ്ങാനുള്ള പ്രായ പരിധി. ഉമ്മന് ചാണ്ടി മന്ത്രിസഭയുടെ കാലത്ത് ഇത് 21 വയസാക്കി. ഒന്നാം പിണറായി സര്ക്കാരിന്റെ കാലത്ത് ഇത് 23 വയസായും ഉയര്ത്തിയിരുന്നു. 23 വയസിന് താഴെയുള്ളവര്ക്ക് മദ്യം നല്കില്ല എന്ന ഉത്തരവ് ഇറങ്ങിയെങ്കിലും ഇത് കര്ശനമായി നടപ്പാക്കിയില്ലെന്നാണ് യുഡിഎഫ് സര്ക്കാര് വിലയിരുത്തൽ. ഈ സാഹചര്യത്തിലാണ് ‘നോ ഐഡി നോ എൻട്രി’ എന്ന നിബന്ധന കേരളത്തിലും നടപ്പാക്കാന് ആലോചിക്കുന്നത്.
SUMMARY: Karnataka’s ‘No ID No Entry’ model also in Kerala: Age limit to buy liquor tightened to 23 years, if in doubt, identity proof must be shown
