കാസറഗോഡ്: നിയമസഭാ തെരഞ്ഞെടുപ്പിൽ കാസറഗോഡ് മണ്ഡലത്തിൽ ഷാനവാസ് പാദൂർ എൽഡിഎഫ് സ്വതന്ത്രനായി മത്സരിക്കും. ഐഎൻഎൽ, സിപിഐഎം നേതാക്കളുടെ യോഗത്തിലാണ് തീരുമാനം. സ്ഥാനാർത്ഥിത്വം സംബന്ധിച്ച ഔദ്യോഗിക പ്രഖ്യാപനം ഇന്ന് നടക്കും.
കാലങ്ങളായി ഐഎൻഎൽ മത്സരിച്ചിരുന്ന മണ്ഡലമായിരുന്നു കാസറഗോഡ്. നേരത്തെ മഞ്ചേശ്വരം മണ്ഡലത്തിലും ഷാനവാസിനെ പരിഗണിച്ചിരുന്നു. മുൻപ് കോൺഗ്രസ് അംഗമായിരുന്ന ഷാനവാസ്, ജില്ലാ പഞ്ചായത്തിലേക്ക് മത്സരിച്ച് ജയിച്ചിരുന്നു. എന്നാൽ ജില്ലാ പഞ്ചായത്ത് അധ്യക്ഷസ്ഥാനം പങ്കിടണമെന്ന ധാരണ വന്നതോടെ കോൺഗ്രസുമായി അകന്നു. പിന്നീട് രാജിവെച്ചു. തുടർന്ന് 2020-ൽ ഇടതുസ്വതന്ത്രനായി ജില്ലാപഞ്ചായത്തിലേക്ക് മത്സരിച്ച് ജയിച്ചിരുന്നു.
SUMMARY: Kasaragod Shanavas Padur is a Left Independent; Official announcement today
