ബെംഗളൂരുവിൽ ഒരു കോടി രൂപയുടെ ഹൈഡ്രോ കഞ്ചാവുമായി മലയാളി അറസ്റ്റിൽ

ബെംഗളൂരു: കോറമംഗലയിൽ 1.08 കിലോഗ്രാം ഹൈഡ്രോ കഞ്ചാവുമായി മലയാളി പിടിയിൽ. ഫ്രീലാൻസ് എഴുത്തുകാരനും ബ്ലോഗറുമായ ആന്റണി മാത്യുവിനെയാണ്   ഒരു കോടി രൂപ വിലയുടെ ഹൈഡ്രോ കഞ്ചാവുമായി ബെംഗളൂരു പോലീസ് അറസ്റ്റ് ചെയ്തത്. രഹസ്യവിവരത്തിന്റെ അടിസ്ഥാനത്തിൽ കോറമംഗലയിലെ നാഷനൽ ഗെയിംസ് വില്ലേജ് കോംപ്ലക്സ് ഗേറ്റിനു സമീപത്തു നിന്നാണ് ഇയാൾ പിടിയിലാകുന്നത്.

ലഹരിവിൽപനയ്ക്കായി ഉപയോഗിച്ചിരുന്ന സ്കൂട്ടറും പിടിച്ചെടുത്തു. കേരളത്തിൽ നിന്നും ചെറിയ വിലയ്ക്ക് വാങ്ങുന്ന ഹൈഡ്രോ കഞ്ചാവ് നഗരത്തിലെത്തിച്ച് കോളജ് വിദ്യാർഥികൾക്ക് ഉൾപ്പെടെ വലിയ വിലയ്ക്ക് ഇയാൾ വിതരണം ചെയ്തിരുന്നതായി പോലീസ് അറിയിച്ചു.

SUMMARY: Kerala native arrested for peddling drugs in Bengaluru.