തിരുവനന്തപുരം: പട്ടികജാതി പട്ടികവര്ഗ സംവരണപ്പട്ടിക അട്ടിമറിക്കുന്നതാണ് സുപ്രീംകോടതി വിധിയെന്ന് ആരോപിച്ച് ബുധനാഴ്ച സംസ്ഥാനത്ത് ഹര്ത്താല് നടത്തുമെന്ന് വിവിധ ആദിവാസി ദലിത് സംഘടനകള് അറിയിച്ചു. രാവിലെ 6 മുതല് വൈകിട്ട് 6 വരെയാണ് ഹര്ത്താല്. ഭീം ആര്മിയും വിവിധ സംഘടനകളും ദേശീയതലത്തില് പ്രഖ്യാപിച്ച ഭാരത് ബന്ദിന്റെ ഭാഗമായാണു ഹര്ത്താല് എന്ന് ഊരുകൂട്ടം ഏകോപന സമിതി ചെയര്മാന് നോയല് വി. ശാമുവേല് അറിയിച്ചു.
പ്രകൃതിദുരന്തങ്ങളുടെ പശ്ചാത്തലത്തില് വയനാടിനെ ഒഴിവാക്കും. ഊരുകൂട്ട ഏകോപന സമിതി, ഗോത്രമഹാസഭ, മലഅരയ സംരക്ഷണ സമിതി, എംസിഎഫ്, വിടുതലൈ ചിരിതൈഗള് കച്ഛി, ദളിത് സാംസ്കാരിക സഭ, കേരള സാംബവ സൊസൈറ്റി, കേരള ഉള്ളാട നവോഥാന സഭ എന്നീ സംഘടനകളാണ് ഹര്ത്താലിന് നേതൃത്വം നല്കുന്നത്.
TAGS : STRIKE | KERALA
SUMMARY : Strike tomorrow in Kerala
