കാസറഗോഡ്: കാസറഗോഡ് മധൂരില്‍ 3.61 ഗ്രാം എംഡിഎംഎയുമായി വ്ലോഗര്‍ ഹൈദർ മധൂർ പോലീസ് പിടിയിലായി. വിദ്യാനഗർ പോലീസ് നടത്തിയ വാഹനപരിശോധനയ്ക്കിടെയാണ് അറസ്റ്റ് നടന്നത്. വാഹന പരിശോധനയ്ക്കിടെ ഹൈദറുടെ പെരുമാറ്റം അസ്വാഭാവികമായി തോന്നിയതിനെത്തുടർന്ന് പോലീസ് വാഹനം വിശദമായി പരിശോധിക്കുകയായിരുന്നു. അപ്പോഴാണ് വില്‍പനയ്ക്കായി സൂക്ഷിച്ച നിലയില്‍ ലഹരിമരുന്ന് കണ്ടെത്തിയതെന്ന് പോലീസ് പറയുന്നു.
ഹൈദർ മധൂറിന്റെ പക്കല്‍നിന്ന് 3.61 ഗ്രാം എംഡിഎംഎ പിടിച്ചെടുത്തതായി പോലീസ് എഫ്.ഐ.ആറില്‍ രേഖപ്പെടുത്തിയിട്ടുണ്ട്. സംഭവവുമായി ബന്ധപ്പെട്ട് വിദ്യാനഗർ പോലീസ് കേസ് രജിസ്റ്റർ ചെയ്ത് തുടർനടപടികള്‍ സ്വീകരിച്ചുവരികയാണ്. ഇൻസ്റ്റഗ്രാമിലും ഫെയ്സ്ബുക്കിലുമായി ഏകദേശം 75,000 പേർ പിന്തുടരുന്ന കാസറഗോട്ടെ പരിചിത വ്ളോഗറാണ് ഹൈദർ മധൂർ. ഇയാളുടെ അറസ്റ്റോടെ പ്രദേശത്ത് സംഭവം ശ്രദ്ധേയമായി.
SUMMARY: Vlogger Haidar Madhur arrested with MDMA
