കൊച്ചി: പൂജാവധി ദിനങ്ങളില്‍ അഭിമാനാർഹമായ നേട്ടം കൈവരിച്ച്‌ കേരളത്തിന്റെ യാത്രാസംസ്കാരത്തില്‍ വേറിട്ട അനുഭവമാകുന്ന കൊച്ചി വാട്ടർ മെട്രോ. ഒക്ടോബർ 20-ാം തീയതി മഹാനവമി ദിനത്തില്‍ മാത്രം 15,507 പേരാണ് വാട്ടർ മെട്രോയില്‍ യാത്ര ചെയ്തത്. ഇതില്‍ ഏറ്റവും കൂടുതല്‍ ആളുകള്‍ യാത്ര ചെയ്തത് ഹൈക്കോർട്ട് – ഫോർട്ട്കൊച്ചി റൂട്ടിലാണ്. വിജയദശമി ദിനമായ ഒക്ടോബർ 21-ന് 11,074 പേരും സർവീസ് ഉപയോഗപ്പെടുത്തി.
വാട്ടർ മെട്രോയുടെ ചരിത്രത്തില്‍ ഒരു ദിവസത്തെ ഏറ്റവും ഉയർന്ന റൈഡർഷിപ്പ് രേഖപ്പെടുത്തിയത് 2025 ഡിസംബർ 28-ലെ ക്രിസ്മസ്-പുതുവത്സര സീസണിലാണ്; അന്ന് 17,050 ആളുകളാണ് യാത്ര ചെയ്തത്. 2023 ഡിസംബർ 31-ന് 16,162 പേരും 2025 ഡിസംബർ 27-ന് 15,518 പേരും യാത്ര ചെയ്തിട്ടുണ്ട്.
അത് കഴിഞ്ഞാല്‍ ഏറ്റവും കൂടുതല്‍ പേർ യാത്ര ചെയ്തത് ഈ പൂജ അവധിക്കാണ്. 2023 ഏപ്രിലില്‍ വാട്ടർ മെട്രോ സർവീസ് ആരംഭിച്ചത് മുതല്‍ ഇതുവരെ (ഒക്ടോബര്‍ 22) ആകെ 79,29,051 പേരാണ് വാട്ടർ മെട്രോ പ്രയോജനപ്പെടുത്തിയത്. നാട്ടുകാരുടെയും വിനോദസഞ്ചാരികളുടെയും യാത്രാശീലങ്ങളില്‍ വാട്ടർ മെട്രോ എത്രത്തോളം സ്വാധീനം ചെലുത്തി എന്നതിന്റെ തെളിവാണ് ഈ ഉയർന്ന കണക്കുകള്‍.
SUMMARY: Kochi Water Metro makes history on Mahanavami; 15,507 people traveled in a single day
