ഡല്ഹി: കേന്ദ്ര വിദ്യാഭ്യാസ മന്ത്രി ധര്മേന്ദ്ര പ്രധാന്റെ രാജിയാവശ്യപ്പെട്ട് ഡല്ഹി ജന്തര്മന്തറില് നടക്കുന്ന കോക്രോച്ച് പാര്ട്ടിയുടെ സമരത്തിന് പിന്തുണയുമായി പ്രമുഖ ഇടതുപക്ഷ നേതാക്കളായ എം എ ബേബിയും ബൃന്ദ കാരാട്ടും സമരപ്പന്തലിലെത്തി. വിദ്യാര്ഥികളുടെ ഭാവി തകര്ക്കുന്ന നിലപാടുകള്ക്കെതിരേ ശക്തമായ സ്വരത്തിലാണ് നേതാക്കള് പ്രതികരിച്ചത്.
പ്രതിഷേധം എത്രകാലം നീണ്ടുനിന്നാലും അതിനൊപ്പം സിപിഎം അണിചേരുമെന്നും, വിദ്യാര്ഥികളുടെ ജീവിതം വെച്ചുള്ള കേന്ദ്രത്തിന്റെ കളി അനുവദിക്കില്ലെന്നും സമരവേദിയില് വെച്ച് എം എ ബേബി വ്യക്തമാക്കി. അതേസമയം, ജന്തര്മന്തറില് സമാധാനപരമായി സമരം ചെയ്യുന്നവര്ക്ക് കുടിവെള്ളം ഉള്പ്പെടെയുള്ള പ്രാഥമിക സൗകര്യങ്ങള് പോലും ഡല്ഹി പോലിസ് നിഷേധിക്കുകയാണെന്ന് സിജെപി സ്ഥാപകന് അഭിജീത് ദിപ്കെ പറഞ്ഞു.
എന്നാല് ഈ ആരോപണങ്ങള് അടിസ്ഥാനരഹിതമാണെന്നാണ് ഡല്ഹി പോലിസിന്റെ ഔദ്യോഗിക വിശദീകരണം. വിദ്യാര്ഥികളുടെ ഭാവി തകര്ക്കുന്ന നിലപാടുകള്ക്കെതിരേ ഒരടി പോലും പിന്നോട്ടില്ലെന്ന ഉറച്ച പ്രഖ്യാപനവുമായി സോനം വാങ്ചുകിന്റെയും നിരാഹാരസമരം പുരോഗമിക്കുകയാണ്.
SUMMARY: M.A. Baby and Brinda Karat in solidarity with the CJP strike
