ബെംഗളൂരു: ഓണക്കാല യാത്രാത്തിരക്ക് പരിഗണിച്ച് ബെംഗളൂരുവില് നിന്ന് കണ്ണൂരേക്ക് സ്പെഷ്യൽ ട്രെയിൻ അനുവദിച്ച് ദക്ഷിണ പശ്ചിമ റെയില്വേ. ബെംഗളൂരു കന്റോൺമെന്റ് സ്റ്റേഷനില് നിന്നും സേലം വഴിയാണ് ട്രെയിന് സര്വീസ് നടത്തുക.
ബെംഗളൂരു കന്റോൺമെന്റ്-കണ്ണൂർ എക്സ്പ്രസ് സ്പെഷ്യൽ -06567
20ന് വ്യാഴാഴ്ച രാത്രി 10.30 ന് ബെംഗളൂരു കന്റോൺമെന്റിൽ നിന്ന് പുറപ്പെട്ട് പിറ്റേദിവസം ഉച്ചയ്ക്ക് 12.50 ന് കണ്ണൂരിൽ എത്തും.
കണ്ണൂർ-ബെംഗളൂരു കന്റോൺമെന്റ് എക്സ്പ്രസ് സ്പെഷ്യൽ -06568 21 ന് വൈകുന്നേരം 4.10 ന് കണ്ണൂരിൽ നിന്ന് പുറപ്പെട്ട് പിറ്റേദിവസം രാവിലെ 06.00 ന് ബെംഗളൂരു കന്റോൺമെന്റിൽ എത്തിച്ചേരും.
കൃഷ്ണരാജപുരം, ബംഗാരപ്പേട്ട്, കുപ്പം, സേലം, ഈറോഡ്, തിരുപ്പൂർ, പോടന്നൂർ, പാലക്കാട്, ഷൊർണൂർ, തിരൂർ, പരപ്പനങ്ങാടി, കോഴിക്കോട്, വടകര, തലശ്ശേരി എന്നിവിടങ്ങളിൽ പ്രത്യേക ട്രെയിനിന് സ്റ്റോപ്പുണ്ടാകും. 16 സ്ലീപ്പർ ക്ലാസ് കോച്ചുകൾ, 5 ജനറൽ സെക്കൻഡ് ക്ലാസ് കോച്ചുകൾ, 2 സെക്കൻഡ് ക്ലാസ് ലഗേജ് കം ബ്രേക്ക് വാനുകൾ എന്നിവയുൾപ്പെടെ 23 കോച്ചുകളാണ് ട്രെയിനിൽ ഉണ്ടാവുക.
SUMMARY : Onam rush; Special train from Bengaluru to Kannur via Salem
