മലയാളി വിദ്യാർഥി കാവേരിയിൽ മുങ്ങിമരിച്ചു

ബെംഗളൂരു: കെ.ആർ.എസ്. അണക്കെട്ടിനടുത്ത് കൂട്ടുകാരോടൊത്ത് വിനോദയാത്രയ്ക്കുവന്ന മലയാളിവിദ്യാർഥി കാവേരി നദിയിൽ മുങ്ങിമരിച്ചു. എച്ച്ഡി കോട്ടെയിൽ താമസിക്കുന്ന, കോട്ടയം മുണ്ടക്കയത്തു കുടുംബ വേരുകളുള്ള ഏറത്തുവീട്ടിൽ പരേതനായ തോമസിന്റെയും ഷൈലയുടെയും മകൻ ഡാനിയേൽ ഇ. തോമസാണു (17) മരിച്ചത്. പ്ലസ് ടു വിദ്യാർഥിയാണ്.

മൈസൂരുവിനു സമീപം ബാൽമുറിയിൽ കാവേരി നദിയിലായിരുന്നു അപകടം. മൃതദേഹം മൈസൂരു മെഡിക്കൽ കോളജിൽ പോസ്റ്റ്മോർട്ടത്തിനു ശേഷം ബന്ധുക്കൾക്കു വിട്ടു നൽകി. സംസ്കാരം എച്ച്ഡി കോട്ടെയിൽ. സഹോദരങ്ങൾ: ബേസിൽ, പോൾസൻ.
SUMMARY: Malayali student drowns in Cauvery