ഡോൺ ബോസ്കോ കോളേജില്‍ ഇന്റർ കൊളീജിയറ്റ് കൊമേഴ്സ് ഫെസ്റ്റ്

ബെംഗളൂരു: കെ.ആർ. പുരം ഡോൺ ബോസ്കോ കോളേജിലെ കൊമേഴ്സ് വിഭാഗം ഇന്റർ കൊളീജിയറ്റ് കൊമേഴ്സ് ഫെസ്റ്റ് ‘തിജാര 26’ നിതി ആയോഗ് അംഗം രവീന്ദ്രനാഥ് കൗശിക് ഉദ്ഘാടനം ചെയ്തു.പ്രിൻസിപ്പൽ ഫാ. ഡോ. ജിയോ കല്ലടന്തിയിൽ, ഡയറക്ടർ റവ. ഡോ. കെ.ഡി. വിൽസൺ, വൈസ് പ്രിൻസിപ്പൽ എം. വിനോദ് കുമാർ, വകുപ്പ് മേധാവി പൂജ പി. ഈശ്വർ എന്നിവർ പങ്കെടുത്തു.

ബെംഗളൂരു, കോലാര്‍ എന്നിവിടങ്ങളിലെ 24 കോളേജുകളിൽനിന്നായി 150-ലധികം വിദ്യാർഥികൾ വിവിധ മത്സരങ്ങളിൽ പങ്കെടുത്തു. ക്രിസ്തു ജയന്തി സർവകലാശാല ചാമ്പ്യന്മാരായി. മൗണ്ട് കാർമൽ കോളേജിനാണ് രണ്ടാംസ്ഥാനം.
SUMMARY: Intercollegiate Commerce Fest at Don Bosco College