കൊച്ചി: നിരോധിത സംഘടനയായ പോപ്പുലർ ഫ്രണ്ട് ഓഫ് ഇന്ത്യയുമായി (പിഎഫ്ഐ) ബന്ധപ്പെട്ട സ്വത്തുക്കൾ കണ്ടുകെട്ടിയ നടപടി എൻഐഎ കോടതി റദ്ദാക്കി. പിഎഫ്ഐയുമായി ബന്ധപ്പെട്ട ആറ് സ്വത്തുക്കളുടെയും ഒരു ബാങ്ക് അക്കൗണ്ടിൻ്റെയും കണ്ടുകെട്ടൽ നടപടിയാണ് കോടതി റദ്ദാക്കിയത്.
2022ല് പാലക്കാട്ടെ ആര്എസ്എസ് നേതാവ് ശ്രീനിവാസന് വധക്കേസിന് പിന്നാലെ സ്വത്തുക്കള് കണ്ടുകെട്ടിയ സംഭവത്തിലാണ് കോടതിയുടെ പുതിയ തീരുമാനം. ദേശവിരുദ്ധ പ്രവര്ത്തനങ്ങള്ക്കായി ഈ സ്വത്ത് ഉപയോഗിക്കുന്നു എന്നായിരുന്നു എന്ഐഎയുടെ ആരോപണം. എന്നാല് ഈ സ്ഥാപനങ്ങളുമായി പോപുലര് ഫ്രണ്ടിന് എന്തെങ്കിലും ബന്ധമുണ്ടെന്ന് തെളിയിക്കാന് എന്ഐഎക്ക് സാധിച്ചില്ലെന്ന് കോടതി ചൂണ്ടിക്കാട്ടി.
എൻഐഎയുടെ വിധിന്യായം അനുസരിച്ച്, സ്വത്തുക്കളും ബാങ്ക് അക്കൗണ്ടും തിരുവനന്തപുരം വിദ്യാഭ്യാസ ട്രസ്റ്റ്, ഹരിതം ഫൗണ്ടേഷൻ പൂവഞ്ചിറ, പെരിയാർ വാലി ചാരിറ്റബിൾ ട്രസ്റ്റ് ആലുവ, വള്ളുവനാട് ട്രസ്റ്റ് പാലക്കാട്, ചന്ദ്രഗിരി ചാരിറ്റബിൾ ട്രസ്റ്റ്, ന്യൂഡൽഹിയിലെ സോഷ്യൽ ഡെമോക്രാറ്റിക് പാർട്ടി ഓഫ് ഇന്ത്യ (എസ്ഡിപിഐ) എന്നിവയുടേതാണ്. എന്നിരുന്നാലും, പിഎഫ്ഐ കേഡറിന് പരിശീലനം നടത്താനും അവർക്ക് അഭയം നൽകാനും ഈ സ്വത്തുക്കൾ ഉപയോഗിച്ചതായി എൻഐഎ കോടതിയിൽ പറഞ്ഞു. എന്നാല് പിഎഫ്ഐ പ്രവർത്തനങ്ങളിൽ ട്രസ്റ്റ് അംഗങ്ങൾക്ക് നേരിട്ട് പങ്കുണ്ടെന്ന് സ്ഥാപിക്കാൻ കഴിയില്ലെന്ന് കോടതി വിലയിരുത്തിയതിനാലാണ് സ്വത്തുക്കൾ കണ്ടുകെട്ടൽ റദ്ദാക്കാൻ തീരുമാനിച്ചത്.
SUMMARY: NIA court quashes seizure of Popular Front’s assets
