ഛത്തീസ്ഗഡില്‍ ഒമ്പത് മാവോയിസ്റ്റുകള്‍ അറസ്റ്റില്‍

ഛത്തീസ്ഗഡില്‍ ഒമ്പത് മാവോയിസ്റ്റുകളെ അറസ്റ്റ് ചെയ്ത് പോലീസ്. ഞായറാഴ്ചയാണ് മാവോയിസ്റ്റുകളെ പിടികൂടിയത്. സംസ്ഥാനത്തെ ബിജാപൂര്‍ ജില്ലയിലെ ഉസൂര്‍ പോലീസ് സ്റ്റേഷന്‍ പരിധിയില്‍ നിന്നും എട്ടുപേരെ ഒരാളെ നെയിംഡ് പോലീസ് സ്റ്റേഷന്‍ പരിധിയില്‍ നിന്നുമാണ് അറസ്റ്റ് ചെയ്തത്. സെന്‍ട്രല്‍ റിസര്‍വ് പോലീസ് ഫോഴ്സിന്റെ (സിആര്‍പിഎഫ്) 196-ാം ബറ്റാലിയന്‍, കോബ്രാ- സിആര്‍പിഎഫിന്റെ എലൈറ്റ് യൂണിറ്റ് 205-ാം ബറ്റാലിയന്‍, ലോക്കല്‍ പോലീസ് എന്നിവര്‍ ചേര്‍ന്നാണ് മാവോയിസ്റ്റുകളെ അറസ്റ്റ് ചെയ്തത്.

സജീവ പ്രവര്‍ത്തകരായ സോന കുഞ്ഞം (40), ആണ്ട കടത്തി (30), മാങ്കു മഡ്കം (24), സന്തോഷ് കാട്ടി (25), സോന മുചകി (22), ഹദ്മ കാഡി (27), സുരേഷ് മഡ്കം (28), ദേവേന്ദ്ര മുചകി (25) എന്നിവരാണ് ഉസൂരില്‍ നിന്ന് പിടിയിലായത്. അവ്ലം ആയിതു (49)വിനെ നെയിംഡ് പോലീസ് സ്റ്റേഷന്‍ പരിധിയില്‍ നിന്നാണ് പിടികൂടിയത്. ഇയാള്‍ പോലീസ് ഉദ്യോഗസ്ഥരെ ആക്രമിച്ച കേസിലെ പ്രതിയാണ്. പിടിയിലായ എല്ലാവരും മാവോയിസ്റ്റ് പ്രസ്ഥാനത്തിന്റെ സജീവ പ്രവര്‍ത്തകരാണെന്ന് പോലീസ് അറിയിച്ചു.
<BR>
TAGS : MAOISTS ARRESTED | CHATTISGARH | CRPF
SUMMARY : Nine Maoists arrested