കണ്ണൂർ: കണ്ണൂര് അഞ്ചരക്കണ്ടി ഡെന്റല് കോളജിലെ ഒന്നാംവര്ഷ ബിഡിഎസ് വിദ്യാര്ഥിയായിരുന്ന നിതിന് രാജ് ജീവനൊടുക്കിയ സംഭവത്തില് അന്വേഷണ ഉദ്യോഗസ്ഥനായിരുന്ന ഡിവൈഎസ്പി സുധീര് കല്ലനെ സസ്പെൻഡ് ചെയ്തു. ആഭ്യന്തര മന്ത്രി രമേശ് ചെന്നിത്തലയുടെ നിർദേശപ്രകാരമാണ് നടപടി.
കേസിലെ മുഖ്യപ്രതിയായ അധ്യാപകന് ഡോ. എം.കെ റാമിന്റെ അറസ്റ്റിലെ വീഴ്ചകളില് നടപടിയെടുക്കാത്തതിനെത്തുടർന്ന് ആഭ്യന്തര വകുപ്പിനെതിരെ കടുത്ത വിമര്ശനം ഹൈക്കോടതി ഉന്നയിച്ചിരുന്നു. അന്വേഷണ ഉദ്യോഗസ്ഥനായിരുന്ന ഡിവൈഎസ്പി സുധീര് കല്ലനെ സസ്പെന്ഡ് ചെയ്യാത്തതിലായിരുന്നു രൂക്ഷവിമര്ശനം. സുധീര് കല്ലന്റെ നേതൃത്വത്തില് പോലീസ് പ്രതിയെ രക്ഷിക്കാനാണ് ശ്രമിച്ചതെന്ന് നേരത്തെ കോടതി ചൂണ്ടിക്കാട്ടിയിരുന്നു. ഡിവൈഎസ്പിക്കെതിരെ നടപടിയെടുക്കാനും നിര്ദേശിച്ചിരുന്നു.
SUMMARY: Nithin Raj’s death: DySP Sudheer Kallan, the investigating officer, suspended.
