തിരുവനന്തപുരം: സോഷ്യൽമീഡിയയിലൂടെ അശ്ലീല പരാമര്ശം നടത്തിയ ആറാട്ടണ്ണന് എന്ന് അറിയപ്പെടുന്ന സന്തോഷ് വര്ക്കിക്കെതിരെ കൂടുതല് പരാതികള്. ചലച്ചിത്ര പ്രവര്ത്തകരായ ഭാഗ്യലക്ഷ്മി, കുക്കു പരമേശ്വരന് എന്നിവര് കൂടി പരാതി നല്കി.
ചലച്ചിത്ര താരങ്ങളെ അപമാനിച്ചുവെന്നാണ് പരാതി. നിരന്തരം സ്ത്രീകള്ക്കെതിരെ അശ്ലീല പരാമര്ശം നടത്തുന്ന സന്തോഷ് വര്ക്കിക്കെതിരെ അധികൃതര് കര്ശന നടപടി സ്വീകരിക്കണമെന്നും പരാതിയില് ആവശ്യപ്പെട്ടു. പോലീസ് മേധാവിക്കാണ് ഇരുവരും പരാതി നല്കിയത്.
നേരത്തെ നടി ഉഷ ഹസീനയും സന്തോഷ് വര്ക്കിക്കെതിരെ പരാതി നല്കിയിരുന്നു. ആലപ്പുഴ ഡിവൈഎസ്പിക്കായിരുന്നു ഉഷ ഹസീന പരാതി നല്കിയത്. 40 വര്ഷത്തോളമായി സിനിമാ മേഖലയില് പ്രവര്ത്തിക്കുന്ന തന്നെ ആറാട്ടണ്ണന്റെ പരാമര്ശം വ്യക്തിപരമായി വേദനിപ്പിച്ചുവെന്ന് പരാതിയില് പറഞ്ഞിരുന്നു.
സിനിമ നടികളില് മിക്കവരും വേശ്യകളാണെന്ന പരാമര്ശമാണ് ഇയാള് സമൂഹമാധ്യമങ്ങളിലൂടെ നടത്തിയത്. നടിമാര്ക്ക് എതിരായ പരാമര്ശം സ്ത്രീത്വത്തെ അപമാനിക്കുന്നതാണെന്നും ഉഷ ഹസീനയുടെ പരാതിയില് ചൂണ്ടിക്കാട്ടുന്നു. നിരന്തരം സ്ത്രീകള്ക്ക് എതിരെ അശ്ലീല പരാമര്ശം നടത്തുന്ന സന്തോഷ് വര്ക്കിക്ക് എതിരെ അധികൃതര് കര്ശന നടപടി സ്വീകരിക്കണമെന്നും ഉഷ ഹസീന തന്റ പരാതിയില് ആവശ്യപ്പെട്ടു.
<BR>
TAGS : SANTHOSH VARKI | OBSCENE REMARKS
SUMMARY : Obscene remarks against actresses; More complaints against Santosh Varki, Bhagyalakshmi and Kuku parameswaran
WhatsApp
Telegram
