കൊച്ചി: നിരക്ക് വർധന ആവശ്യപ്പെട്ട് കൊച്ചിയില് ഓണ്ലൈൻ ടാക്സി ഡ്രൈവർമാർ വീണ്ടും പ്രതിഷേധത്തിലേക്ക്. നാളെ മുതല് കൊച്ചിയിലെ യൂബർ സർവീസുകള് പൂർണ്ണമായി ബഹിഷ്കരിക്കുമെന്ന് ഡ്രൈവർമാർ പ്രഖ്യാപിച്ചു. ന്യായമായ നിരക്ക് വർധന നടപ്പിലാക്കണമെന്ന് ആവശ്യപ്പെട്ട് ഇവർ നേരത്തെയും സമരരംഗത്തുണ്ടായിരുന്നു.
നിരക്ക് വർധന ആവശ്യപ്പെട്ട് നടത്തിയ സമരത്തിന് പിന്നാലെ, ചർച്ചയ്ക്കായി ഡ്രൈവർമാരെ ഇന്ന് യൂബർ ഓഫീസിലേക്ക് വിളിച്ചിരുന്നു. എന്നാല് ഏറെ പ്രതീക്ഷയോടെ ചർച്ചയ്ക്കെത്തിയ ഡ്രൈവർമാർ കണ്ടത് പൂട്ടിക്കിടക്കുന്ന ഓഫീസാണ്. ചർച്ചയ്ക്ക് വിളിച്ച് വരുത്തി അവഹേളിച്ചതിനെതിരെയാണ് കടുത്ത പ്രതിഷേധം ഉയർന്നിരിക്കുന്നത്.
ഡ്രൈവർമാരുടെ അവകാശങ്ങള് അനുവദിച്ചുതരാൻ മടിയുള്ളത് കൊണ്ടാണ് കമ്പനി അധികൃതർ ഇത്തരത്തില് ഒളിച്ചുകളിക്കുന്നതെന്നും ഡ്രൈവർമാർ ആരോപിച്ചു. തൊഴിലാളികളുടെ അർഹമായ അവകാശങ്ങള് അനുവദിച്ചുതരാൻ മടിയുള്ളത് കൊണ്ടാണ് കമ്പനി അധികൃതർ ഇത്തരത്തിലുള്ള നീചമായ ഒളിച്ചുകളികള് നടത്തുന്നതെന്നും ഡ്രൈവർമാർ കടുത്ത ഭാഷയില് ആരോപിച്ചു.
തുടർനടപടികളുടെ ഭാഗമായി നാളത്തെ സർവീസ് ബഹിഷ്കരണത്തിന് പുറമെ ശക്തമായ മറ്റ് സമരപരിപാടികളിലേക്ക് കടക്കാനാണ് യൂണിയനുകളുടെ തീരുമാനം. പ്രമുഖ ഓണ്ലൈൻ ടാക്സി കമ്പനിയുടെ ഈ നിലപാട് നഗരത്തിലെ യാത്രാപ്രേമികളെയും വലിയ രീതിയില് പ്രതികൂലമായി ബാധിക്കുമെന്നാണ് വിലയിരുത്തപ്പെടുന്നത്.
Online taxi strike in Kochi again; Uber services to be boycotted starting tomorrow
