തൃശൂർ: പാർട്ടി ആവശ്യപ്പെട്ടാല് തൃശൂരില് മത്സരിക്കുമെന്ന് പത്മജ വേണുഗോപാല്. തൃശ്ശൂരില് മത്സരിക്കാൻ പത്മജയോട് ബിജെപി ദേശീയ നേതൃത്വം ആവശ്യപ്പെട്ടതായാണ് സൂചന. പാലക്കാട് ശോഭാ സുരേന്ദ്രൻ മത്സരിക്കും. നേരത്തെ വട്ടിയൂർക്കാവില് പത്മജയെ പരിഗണിക്കുന്നുണ്ടെന്ന വാർത്ത വന്നിരുന്നു.
കെ മുരളീധരൻ വട്ടിയൂർക്കാവില് യുഡിഎഫ് സ്ഥാനാർഥിയാകുമെന്ന് ഉറപ്പായതോടെയാണ് പത്മജയെ ഇതേ മണ്ഡലത്തില് പരീക്ഷിക്കാൻ ബിജെപി തയ്യാറായതെന്നായിരുന്നു വാർത്ത. എന്നാല് ഇപ്പോള് പത്മജയെ തൃശ്ശൂരില് മത്സരിപ്പിക്കാനാണ് നീക്കം നടക്കുന്നത്. അതേസമയം മത്സരിക്കുന്ന കാര്യത്തെ കുറിച്ച് നിർദേശം വന്നിട്ടില്ലെന്നും പാർട്ടി ആവശ്യപ്പെട്ടാല് മത്സരിക്കുമെന്നും പത്മജ പ്രതികരിച്ചു
നേമത്ത് ബിജെപി സംസ്ഥാന പ്രസിഡന്റ് രാജീവ് ചന്ദ്രശേഖർ മത്സരിക്കും. കഴക്കൂട്ടത്ത് വി മുരളീധരനും മഞ്ചേശ്വരത്ത് കെ സുരേന്ദ്രനും രംഗത്തിറങ്ങും. വട്ടിയൂർക്കാവില് ആർ ശ്രീലേഖയെയും കൃഷ്ണകുമാറിനെയുമാണ് പരിഗണിക്കുന്നത്.
SUMMARY: Padmaja Venugopal says she will contest as BJP candidate in Thrissur
