കോഴിക്കോട്: കോഴിക്കോട് വലിയങ്ങാടിയില് കെട്ടിടം തകർന്ന് അപകടം. ബീച്ച് റോഡിലെ പഴയ പാസ്പോർട്ട് ഓഫീസിൻ്റെ കെട്ടിടമാണ് തകർന്നത്. അപകടത്തിൽ രണ്ട് പേര് മരിച്ചു. കിണാശ്ശേരി സ്വദേശി ജബ്ബാർ, അത്തോളി സ്വദേശി അഷ്റഫ് എന്നിവരാണ് മരിച്ചത്. ഗാമ ട്രേഡേഴ്സിലെ തൊഴിലാളികളാണ് ഇവര്. രണ്ട് പേര്ക്ക് പരുക്കേറ്റു.
ലോഡിങ് തൊഴിലാളികളാണെന്നാണ് വിവരം. കെട്ടിടത്തിന്റെ മുൻഭാഗത്തെ ബീം ആണ് തകര്ന്നുവീണത്. കെട്ടിടാവശിഷ്ടങ്ങളില് കുടുങ്ങിയവരെ ഫയര്ഫോഴ്സ് എത്തിയാണ് പുറത്തെത്തിച്ചത്. പലഭാഗത്തും ബീം പൊട്ടി തൂങ്ങിനില്ക്കുന്ന നിലയാണ്. കെട്ടിടം ഒട്ടും സുരക്ഷിതമല്ലെന്നാണ് ഫയര്ഫോഴ്സ് ഉദ്യോഗസ്ഥര് പറയുന്നത്. കെട്ടിടത്തിന് 50 വര്ഷത്തിലധികം പഴക്കമുണ്ടെന്ന് ദൃക്സാക്ഷികള് പറയുന്നു.
അവശിഷ്ടങ്ങള്ക്കിടയില് നിരവധി ബൈക്കുകളും ഉണ്ട്. ലോഡിങ് തൊഴിലാളികള് വിശ്രമിക്കാനും മറ്റുമായി ഇരിക്കുന്ന സ്ഥലമാണിത്. പരുക്കേറ്റവരെ ബീച്ച് ആശുപത്രിയിലേക്കും കോഴിക്കോട് മെഡിക്കല് കോളജിലേക്കുമാണ് മാറ്റിയത്.
SUMMARY: Two people die in Kozhikode concrete slab collapse accident
