തിരുവനന്തപുരം: സംസ്ഥാനത്ത് വീണ്ടും നിപ മരണം സ്ഥിരീകരിച്ചതോടെ നിയന്ത്രണം ശക്തമാക്കി ആരോഗ്യവകുപ്പ്. നിപ്പ സ്ഥിരീകരിച്ച പാലക്കാട് മണ്ണാർക്കാട് കുമരംപുത്തൂർ സ്വദേശിയായ 58 കാരന്‍റെ വീടിന് മൂന്ന് കിലോമീറ്റർ ചുറ്റളവില്‍ പ്രവേശന നിയന്ത്രണം ഏർപ്പെടുത്തി.
കണ്ടൈയ്ൻമെന്‍റ് സോണുകള്‍ ഉടൻ പ്രഖ്യാപിക്കും. മരിച്ചയാളുടെ സമ്പർക്ക പട്ടികയില്‍ ഉള്‍പ്പെട്ടിട്ടുള്ള ആളുകള്‍ക്ക് ക്വാറന്‍റൈനില്‍ പോകാൻ നിർദേശം നല്‍കിയിട്ടുണ്ട്. രോഗലക്ഷണങ്ങളോടെ പെരിന്തല്‍മണ്ണയിലെ സ്വകാര്യ ആശുപത്രിയില്‍ ചികിത്സയിലായിരുന്ന മധ്യവയസ്കൻ ശനി‍യാഴ്ച വൈകുന്നേരമാണ് മരിച്ചത്.
മഞ്ചേരി മെഡിക്കല്‍ കോളജില്‍ നടത്തിയ പ്രാഥമിക പരിശോധനയില്‍ നിപ്പ സ്ഥിരീകരിക്കുകയായിരുന്നു. ഇയാളുടെ കൂടുതല്‍ സാമ്പിളുകള്‍ പൂനെയിലെ വൈറോളജി ലാബിലേക്കും പരിശോധനയ്ക്ക് അയച്ചിട്ടുണ്ട്.
SUMMARY: Nipah outbreak: Entry restricted within 3 km radius of the house of the deceased 58-year-old
