ബെംഗളൂരു: പിക്കപ്പ് ട്രക്കിലേക്ക് ലോറി ഇടിച്ചുകയറി ഒരാൾ മരിച്ചു. വെള്ളിയാഴ്ച പുലർച്ചെ തുമകുരു ദേശീയ പാത 48-ൽ ഊരുകെരെയ്ക്ക് സമീപം പാർക്ക് ചെയ്തിരുന്ന ട്രക്കിലേക്ക് ലോറി ഇടിച്ചുകയറുകയായിരുന്നു. ചിത്രദുർഗയിൽ നിന്ന് ഉള്ളി ചാക്ക് കയറ്റി വരികയായിരുന്നു ലോറി. ഉള്ളി ചാക്കുകൾ മറ്റൊരു വാഹനത്തിലേക്ക് മാറ്റുന്നതിനിടെയാണ് അപകടമുണ്ടായത്.
പിക്കപ്പ് ട്രക്ക് ഡ്രൈവർ സംഭവസ്ഥലത്ത് തന്നെ മരിച്ചു. അപകടത്തിൽ പരുക്കേറ്റ മറ്റൊരാളെ തുമകുരു ജില്ലാ ആശുപത്രിയിലേക്ക് മാറ്റി. അപകടത്തിൽ സമീപത്ത് പാർക്ക് ചെയ്തിരുന്ന മൂന്ന് വാഹനങ്ങൾക്ക് സാരമായ കേടുപാടുകൾ സംഭവിച്ചു. സംഭവത്തിൽ തുമകുരു റൂറൽ പോലീസ് കേസെടുത്തു.
TAGS: KARNATAKA | ACCIDENT
SUMMARY: One dead, another seriously injured after lorry rams into parked pickup truck
