വിദ്യാ‌ർഥികൾക്ക് ആശ്വാസം; പുനർമൂല്യനിർണയവുമായി ബന്ധപ്പെട്ട പോർട്ടൽ പ്രവർത്തനക്ഷമമാക്കി സിബിഎസ്ഇ

ന്യൂഡൽഹി: സിബിഎസ്‌ഇ പന്ത്രണ്ടാം ക്ളാസ് ഉത്തരക്കടലാസുകളുടെ പുനർമൂല്യനിർണത്തിന് അപേക്ഷിക്കാനുള്ള പോർട്ടൽ വീണ്ടും പ്രവർത്തനക്ഷമമായി. ഇന്നുമുതൽ ജൂൺ ആറ് അർദ്ധരാത്രിവരെ അപേക്ഷ നൽകാം. ഒരു ചോദ്യത്തിന് 25 രൂപ വീതമാണ് ഫീസ്. https://postresult.cbseit.in/pvr/ എന്ന വെബ്‌സൈറ്റിലൂടെയാണ് അപേക്ഷ നൽകേണ്ടത്. ഇതുസംബന്ധിച്ച വിവരങ്ങൾ സിബിഎസ്‌ഇയുടെ https://www.cbse.gov.in/cbsenew/cbse.html എന്ന പോർട്ടലിൽ ലഭ്യമാണ്.

പരീക്ഷാ പേപ്പറിന്റെ ഫോട്ടോകോപ്പി ലഭിക്കുന്നതിനായി നേരത്തെ അപേക്ഷിച്ച വിദ്യാർഥികൾക്ക് മാത്രമേ പുനർമൂല്യനിർണയത്തിന് അപേക്ഷിക്കാൻ അർഹതയുണ്ടായിരിക്കൂ.

വെബ്‌സൈറ്റിൽ ലഭ്യമാകുന്ന ചോദ്യപേപ്പറും അതിന്റെ ഔദ്യോഗിക മാർക്കിങ് സ്കീമും വിദ്യാർത്ഥികൾ പരിശോധിക്കേണ്ടതാണ്. മാർക്കിങ് സ്കീം അനുസരിച്ച് ഉത്തരമുണ്ടായിട്ടും മാർക്ക് ലഭിച്ചില്ലെങ്കിൽ, കൃത്യമായ കാരണങ്ങൾ സഹിതം ചോദ്യം തിരിച്ച് വിദ്യാർഥികൾക്ക് പരാതി സമർപ്പിക്കാം. മാർക്ക് പരിശോധനയ്ക്ക് ഓരോ ഉത്തരക്കടലാസിനും 500 രൂപ വീതവും, പുനർമൂല്യനിർണയത്തിന് ഓരോ ചോദ്യത്തിനും 100 രൂപ വീതവുമാണ് ഫീസ് ഈടാക്കുന്നത്. സമയപരിധിക്കുള്ളിൽ തന്നെ വിദ്യാർഥികൾ അപേക്ഷാ നടപടികൾ പൂർത്തിയാക്കേണ്ടതാണ്.

SUMMARY: Relief for students; CBSE launches revaluation portal