കൊച്ചി: ശബരിമലയിലെ മില്മ നെയ്യ് ഇടപാടിലെ ക്രമക്കേടില് വിജിലന്സ് അന്വേഷണത്തിന് ഉത്തരവിട്ട് ഹൈക്കോടതി. നെയ്യ് ഇടപാട് ക്രമക്കേടുമായി ബന്ധപ്പെട്ട ആരോപണങ്ങള് പ്രഥമദൃഷ്ട്യാ ഗൗരവതരമാണെന്ന് കോടതി നിരീക്ഷിച്ചു. വിഷയം അന്വേഷിക്കാന് പ്രത്യേക അന്വേഷണ സംഘത്തെ നിയോഗിക്കാന് വിജിലന്സ് ഡയറക്ടര്ക്ക് ഹൈക്കോടതി ദേവസ്വം ബെഞ്ച് നിര്ദേശം നല്കി.
കേസെടുത്ത് ഒരു മാസത്തിനുള്ളില് അന്വേഷണം പൂര്ത്തിയാക്കണമെന്നാണ് കോടതി നിര്ദേശം. ഇതിനിടെ, അന്വേഷണ പുരോഗതി റിപ്പോര്ട്ട് സമര്പ്പിക്കണമെന്നും ഹൈക്കോടതി നിര്ദേശിച്ചിട്ടുണ്ട്.
SUMMARY: Sabarimala Milma Ghee Irregularity: High Court Orders Vigilance Probe
