കണ്ണൂർ: കണ്ണൂരില് സ്കൂള് ബസ് നിയന്ത്രണം വിട്ട് മറിഞ്ഞ് അപകടത്തില് വിദ്യാര്ഥിക്ക് ദാരുണാന്ത്യം. അപകടത്തില് 15 കുട്ടികള്ക്ക് പരുക്കേറ്റു. കുട്ടികളെ ആശുപത്രിയില് പ്രവേശിപ്പിച്ചു. കുറുമാത്തൂർ ചിന്മയ സ്കൂളിലെ കുട്ടികള് സഞ്ചരിച്ച സ്കൂള് ബസ് ആണ് അപകടത്തില്പ്പെട്ടത്. സ്കൂളിലെ അഞ്ചാം ക്ലാസ് വിദ്യാര്ഥിനിയും ചൊറുക്കള സ്വദേശിനിയുമായ നേദ്യ എസ് രാജേഷ് ആണ് മരിച്ചത്.
സ്കൂളില് നിന്ന് കുട്ടികളെ വീട്ടിലേക്ക് കൊണ്ടുപോകുന്നതിനിടെയാണ് ബസ് അപകടത്തില്പ്പെട്ടു. ഇട റോഡിലെ ഇറക്കത്തില് നിന്ന് നിയന്ത്രണം വിട്ട ബസ് പലതവണ മലക്കം മറിഞ്ഞശേഷം ശ്രീകണ്ഠാപുരം തളിപ്പറമ്പ് പ്രധാന റോഡിലേക്ക് തെറിച്ചുവീഴുകയായിരുന്നു. അപകടത്തില് ബസില് നിന്ന് നേദ്യ തെറിച്ചുപോയി. ബസ് ഉയര്ത്തിയശേഷം കുട്ടിയെ ആശുപത്രിയിലെത്തിച്ചെങ്കിലും രക്ഷിക്കാനായില്ല. അപകടത്തിൻ്റെ കാരണം വാഹനത്തിൻ്റെ അമിത വേഗതയെന്നാണ് പ്രാഥമിക സൂചന.
TAGS : SCHOOL BUS | ACCIDENT
SUMMARY : School bus overturns in Kannur; The student died
WhatsApp
Telegram
