പാലാ: പാലായിൽ സ്വകാര്യ ബസ്സ് നിയന്ത്രണവിട്ടു മറിഞ്ഞു. അപകടത്തിൽ യാത്രക്കാർക്ക് പരിക്കേറ്റിട്ടുണ്ടെങ്കിലും ആർക്കും ഗുരുതരമായി പരിക്കേറ്റിട്ടില്ല എന്നാണു പ്രാഥമിക വിവരം. പരിക്കേറ്റവരെ വിവിധ ആശുപത്രികളിൽ പ്രവേശിപ്പിച്ചു. വൈകിട്ട് 5.45 ഓടെയായിരുന്നു അപകടം. പാലായിൽ നിന്നും കൂത്താട്ടുകുളത്തിന് പോയ ക്രിസ്തുരാജ് ബസാണ് വലവൂർ റോഡിൽ പേണ്ടാനം വയലിൽ അപകടത്തിൽപെട്ടത്. പോക്കറ്റ് റോഡിൽ നിന്നും അശ്രദ്ധമായി റോഡിലേയ്ക്കിറങ്ങിയ വാഹനത്തിൽ ഇടിക്കാതിരിക്കാൻ വെട്ടിച്ചപ്പോഴാണ് ബസ് മറിഞ്ഞത്.
ഓടിക്കൂടിയ നാട്ടുകാരാണ് ബസിൽ നിന്നും യാത്രക്കാരെ പുറത്തിറക്കിയത്. പോലീസ് സ്ഥലത്തെത്തി മേൽനടപടികൾ സ്വീകരിച്ചു.
SUMMARY: Several passengers were injured after a private bus overturned in Pala.
