ബെംഗളൂരു: മൈസൂരു അർബൻ ഡെവലപ്പ്മെന്റ് അതോറിറ്റിയുടെ ഭൂമി അഴിമതി കേസിൽ മുഖ്യമന്ത്രി സിദ്ധരാമയ്യ രാജിവെക്കേണ്ടതില്ലെന്ന് ഊർജ വകുപ്പ് മന്ത്രി കെ.ജെ. ജോർജ്. ഹൈക്കോടതിയുടെ പരിഗണനയിലാണ് കേസുള്ളത്. അന്തിമവിധി എന്തായാലും അത് വരുന്നത് വരെ അദ്ദേഹം രാജിവെക്കേണ്ട കാര്യമില്ലെന്ന് മന്ത്രി പറഞ്ഞു.
സർക്കാരിനെ അപകീർത്തിപ്പെടുത്താൻ വേണ്ടിയാണ് ഗവർണർ മുഖ്യമന്ത്രിക്കെതിരെ അന്വേഷണത്തിന് അനുമതി നൽകിയതെന്നും ആരോപണം അടിസ്ഥാന രഹിതമാണെന്നും മന്ത്രി പറഞ്ഞു.
സിദ്ധരാമയ്യക്കെതിരായ മുഡ അഴിമതി കേസ് അന്വേഷിക്കാൻ സിബിഐക്ക് ഗവർണർ അനുമതി നല്കിയ വിഷയത്തിലാണ് മന്ത്രി ജോർജിന്റെ പ്രതികരണം. മൈസൂരു നഗര വികസന അതോറിറ്റിയുടെ വിലയേറിയ സ്ഥലം മുഖ്യമന്ത്രി ഭാര്യയുടെ പേരിൽ അനുവദിക്കാൻ ഇടപെട്ടു എന്നതാണ് കേസ്. നിലവിൽ മുഖ്യമന്ത്രിക്കെതിരായ വിചാരണ കോടതിയുടെ നടപടികൾ കർണാടക ഹൈക്കോടതി സെപ്റ്റംബർ ഒമ്പത് വരെ സ്റ്റേ ചെയ്തിരുന്നു.
TAGS: KARNATAKA | SIDDARAMIAH
SUMMARY: Siddaramiah should not resign from post on muda scam says min George
