കൊച്ചി: ഡിജിറ്റല് സര്വ്വകലാശാലയിലെ താല്ക്കാലിക വിസി ഡോ. സിസ തോമസിന് പെന്ഷന് അടക്കമുള്ള വിരമിക്കല് ആനുകൂല്യങ്ങള് നല്കാന് ഹൈക്കോടതി ഉത്തരവ്. രണ്ടാഴ്ചയ്ക്കുള്ളില് ആനുകൂല്യങ്ങള് നല്കണമെന്ന് കോടതി ഉത്തരവിട്ടു. ജസ്റ്റിസുമാരായ മുഹമ്മദ് മുഷ്താഖ്, ജോണ്സണ് ജോണ് എന്നിവർ ഉള്പ്പെട്ട ബെഞ്ചാണ് ഉത്തരവിട്ടത്. പെന്ഷന് തുകയുടെ പലിശയില് അഡ്മിനിസ്ട്രേറ്റീവ് ട്രൈബ്യൂണലിന് തീരുമാനമെടുക്കാം.
അച്ചടക്കത്തിന്റെ പേരില് ആനുകൂല്യങ്ങള് നിഷേധിക്കരുതെന്നും കോടതി വ്യക്തമാക്കി. സിസ തോമസ് വിരമിച്ച് രണ്ട് വര്ഷം കഴിഞ്ഞിട്ടും ആനുകൂല്യങ്ങള് തടഞ്ഞുവെച്ച സര്ക്കാര് നടപടിയെ ഹൈക്കോടതി രൂക്ഷമായി വിമര്ശിച്ചിരുന്നു. ജസ്റ്റിസുമാരായ മുഹമ്മദ് മുഷ്താഖ്, ജോണ്സണ് ജോണ് എന്നിവർ ഉള്പ്പെട്ട ബെഞ്ചാണ് ഉത്തരവിട്ടത്. ജീവനക്കാരുടെ ബാധ്യതകള് ഉള്പ്പടെയുള്ളവയില് അവര് വിരമിക്കും മുമ്പ് സര്ക്കാര് തീരുമാനമെടുക്കണമെന്നായിരുന്നു കഴിഞ്ഞതവണ കേസ് പരിഗണിച്ചപ്പോള് ഹൈക്കോടതി പറഞ്ഞത്.
സിസ തോമസിന്റെ വിരമിക്കല് ആനുകൂല്യങ്ങള് നല്കാത്തതില് രണ്ട് വര്ഷമായി സര്ക്കാര് എന്താണ് അന്വേഷിക്കുന്നതെന്നും ഹൈക്കോടതി ചോദിച്ചിരുന്നു. ചുമതല ഏറ്റെടുക്കുന്നതിന് മുമ്പായി മാതൃസ്ഥാപനത്തെയും വകുപ്പിനെയും സിസ തോമസ് അറിയിച്ചില്ലെന്നായിരുന്നു സര്ക്കാര് ഹൈക്കോടതിയില് നല്കിയ പ്രാഥമിക മറുപടി.
TAGS : SISA THOMAS
SUMMARY : Relief for Sisa Thomas; High Court asks government to pay all retirement benefits within two weeks
