നേപ്പിഡോ: മ്യാൻമറിൽ ശക്തമായ ഭൂചലനം അനുഭവപ്പെട്ടു. റിക്ടർ സ്കെയിലിൽ 5.9 തീവ്രത രേഖപ്പെടുത്തിയ ഭൂചലനത്തിന്റെ പ്രകമ്പനം കൊൽക്കത്തിയിലെ വിവിധയിടങ്ങളിലും ബംഗ്ലാദേശിലെ ധാക്കയിലുൾപ്പെടെയുള്ള പ്രദേശങ്ങളിലും അനുഭവപ്പെട്ടു. ചലനത്തിന്റെ ആഘാതത്തിൽ കൊൽക്കത്തയിലെയും ധാക്കയിലെയും കെട്ടിടങ്ങൾക്കും മറ്റും നേരിയ കുലുക്കം അനുഭവപ്പെട്ടത് ജനങ്ങൾക്കിടയിൽ ചെറിയ രീതിയിലുള്ള പരിഭ്രാന്തി പരത്തിയിട്ടുണ്ട്.
മ്യാൻമറിലെ അക്യബിൽ നിന്ന് 70 മൈൽ കിഴക്ക് മാറി പത്ത് കിലോമീറ്റർ ആഴത്തിലാണ് ഭൂചലനത്തിന്റെ പ്രഭവകേന്ദ്രമെന്ന് ജർമൻ റിസർച്ച് സെന്റർ ഫോർ ജിയോസയൻസസ് അറിയിച്ചു. കഴിഞ്ഞ 71 മണിക്കൂറിനിടയിൽ ഇത് മൂന്നാം തവണയാണ് മ്യാൻമറിൽ ഭൂചലനം രേഖപ്പെടുത്തുന്നത്. അതേസമയം ഭൂചലനത്തിൽ ഇതുവരെയും നാശനഷ്ടങ്ങളോ ജീവഹാനിയോ റിപ്പോർട്ട് ചെയ്തിട്ടില്ല.
SUMMARY: Strong earthquake hits Myanmar; tremors felt in Kolkata and Dhaka
WhatsApp
Telegram
