ബെംഗളൂരുവില്‍ വേനല്‍ മഴയില്‍ വ്യാപക നാശം, മരങ്ങൾ കടപുഴകിവീണു, ഗതാഗതക്കുരുക്ക്, ആലിപ്പഴവർഷം; മഴ മൂന്ന് ദിവസം കൂടി തുടരും

Catholic Club in Museum Road this Evening.

Blue 🔵 Summer 🌞 Days giving way to White Hail drops in Bengaluru.#BengaluruRains pic.twitter.com/KoSHme0JOo

— Namma Karnataka Weather (@namma_vjy) April 29, 2026

നഗരമധ്യത്തിലെ ടൗൺഹാൾ, ഇൻഫൻട്രി റോഡ്, കെആർ മാർക്കറ്റ്, കോർപറേഷൻ സർക്കിൾ, ജെസി റോഡ്, ശാന്തിനഗർ, കോറമംഗല, ലാൽബാഗ്, കബൺ പാർക്ക്, മജെസ്റ്റിക്സ മൈസൂർ ബാങ്ക് സർക്കിൾ, ശിവാനന്ദ സർക്കിൾ, വിധാൻ സൗധ, എംജി റോഡ് എന്നിവിടങ്ങളിലെല്ലാം ശക്തമായി മഴ പെയ്തു.

കനത്ത മഴയിൽ ഇന്നലെ വൈകിട്ട് ശിവാജിനഗർ ബൗറിങ് ആശുപത്രിയുടെ മതിൽ ഇടിഞ്ഞുണ്ടായ അപകടത്തില്‍ കേരളത്തില്‍ നിന്നുള്ള വിനോദയാത്ര സംഘത്തിലെ രണ്ടു മലയാളികളുൾപ്പെടെ 7 പേരാണ് മരിച്ചത്. 3 മലയാളികൾ ഉൾപ്പെടെ 7 പേർക്കു പരുക്കേറ്റു. എറണാകുളം രാമമംഗലം സ്വദേശികളായ തെക്കേഇറമ്പിൽ കിഴുമുറി സ്മിത രഘു (48 ), രാമമംഗലം മനയ്ക്കക്കുടയിൽ ലത (47) എന്നിവരാണു മരിച്ച മലയാളികൾ.

പ്രീതി (51), സിജി (45), മായ(52) എന്നിവർക്കാണു പരുക്കേറ്റത്. ഇന്നലെ വൈകിട്ട് അഞ്ചരയോടെ മഴയിൽ നിന്നു രക്ഷ നേടാൻ 8 അടിയോളം ഉയരമുള്ള മതിലിനോടു ചേർന്നുനിന്നപ്പോഴാണ് അപകടമുണ്ടായത്. 6 വയസ്സുകാരൻ ഉൾപ്പെടെ വഴിയോര കച്ചവടക്കാരാണു മരിച്ച മറ്റുള്ളവർ. പരുക്കേറ്റവരെ ബൗറിങ് ആശുപത്രിയിൽ പ്രവേശിപ്പിച്ചു.

Situation at Silk Board metro station at 6:00 pm today – just after one rain! #BangaloreRains

It’s the same spot that was heavily water logged in May 2025. Looks like nothing has been done to avoid such situation again. vc: Twitter follower. pic.twitter.com/g72NQhfWbU

— Bangalore Metro Updates (@WF_Watcher) April 29, 2026

അടുത്ത 3 ദിവസം ബെംഗളൂരു അർബൻ, റൂറൽ ജില്ലകളിൽ ശക്തമായ മഴയ്ക്ക് സാധ്യതയുണ്ടെന്നാണ് കാലാവസ്ഥാ വകുപ്പിന്റെ മുന്നറിയിപ്പ്. നഗരത്തിൻ്റെ വടക്ക്, കിഴക്കൻ ഭാഗങ്ങളിൽ ഓറഞ്ച് അലർട്ടും ബാക്കിയുള്ള പ്രദേശങ്ങളിൽ യെല്ലോ അലർട്ടും പ്രഖ്യാപിച്ചിട്ടുണ്ട്.

WATCH | Rain and hailstorm leave Bengaluru streets flooded pic.twitter.com/7j4MqQjQUL

— TIMES NOW (@TimesNow) April 29, 2026