ബെംഗളൂരു: പശ്ചിമേഷ്യൻ രാജ്യങ്ങളിലെ സംഘർഷത്തെ തുടര്‍ന്നുള്ള വ്യോമാതിർത്തി നിയന്ത്രണങ്ങൾ കാരണം ബെംഗളൂരു കെമ്പെഗൗഡ അന്താരാഷ്ട്ര വിമാനത്താവളത്തിൽ (കെഐഎ) ചൊവ്വാഴ്ച ഉച്ചകഴിഞ്ഞ് 3 മണി വരെ 42 വിമാനങ്ങൾ റദ്ദാക്കി. അബുദാബി, റിയാദ്, ജിദ്ദ, ദമ്മാം, ദുബായ്, ദോഹ എന്നിവിടങ്ങളിലേക്കുള്ള 21 വിമാന സർവീസുകൾ വീതമാണ് റദ്ദാക്കിയത്. സംഘര്‍ഷം തുടരുന്ന പശ്ചാത്തലത്തില്‍ കൂടുതല്‍ സര്‍വീസുകള്‍ റദ്ദാക്കാന്‍ സാധ്യതയുണ്ട്.
യാത്രക്കാരെ സഹായിക്കുന്നതിനും ഓൺ-ഗ്രൗണ്ട് സപ്പോർട്ട് നൽകുന്നതിനുമായി, വിമാനത്താവളത്തിന്റെ ടെർമിനൽ 2-ല്‍ ഹെൽപ്പ്‌ഡെസ്‌ക് സ്ഥാപിച്ചിട്ടുണ്ട്. ഹെൽപ്പ് ഡെസ്‌കിൽ കസേരകൾ, കുടിവെള്ളം, ചാർജിംഗ് സ്റ്റേഷനുകൾ, സാനിറ്ററി നാപ്കിനുകൾ, വീൽചെയറുകൾ, മെഡിക്കൽ സഹായം എന്നിവ സജ്ജീകരിച്ചിട്ടുണ്ട്. ഇന്നലെ രാത്രി ഇത്തിഹാദ്, എമിറേറ്റ്സ് എയർലൈൻസ് എന്നിവ നിയന്ത്രണങ്ങളോടെ അബുദാബിയിലേക്കും ദുബായിലേക്കും പരിമിതമായ സര്‍വീസുകള്‍ നടത്തിയിരുന്നു.
SUMMARY: Tensions in West Asian countries; 42 flights from Bengaluru to Gulf countries cancelled
