ബെംഗളൂരു: കേരളസമാജം വൈറ്റ് ഫീല്ഡ് സോണിന്റെ നേതൃത്വത്തില് ഗൃഹാങ്കണ പൂക്കള മത്സരം നടത്തി. ചെണ്ടമേളത്തിന്റേയും മാവേലി മന്നന്റേയും അകമ്പടിയോട് കൂടി മത്സരാര്ത്ഥികളുടെ വീടുകള് സന്ദര്ശിച്ചാണ് പൂക്കളങ്ങള് വിലയിരുത്തിയത്.
വാശിയേറിയ പൂക്കളമത്സരത്തില് ഒന്നാം സ്ഥാനം യുനൈറ്റഡ് ബ്ലോസം അപാര്ട്മെന്റ് ടീമും രണ്ടാം സ്ഥാനം -ബാലാജി ഇടേര്നല് അപാര്ട്ട്മെന്റ് ടീമും മൂന്നാം സ്ഥാനം – പ്രമോദ് ആന്റ് ടീമും എന്നിവര് കരസ്ഥമാക്കി. കഴിഞ്ഞ 12 വര്ഷമായി വൈറ്റ് ഫീല്ഡ് സോണിന്റെ നേതൃത്വത്തില് ഗൃഹാങ്കണ പൂക്കള മത്സരം നടത്തി വരുന്നു.
രാവിലെ 9 മണി മുതല് 3 മണിവരെ നടന്ന പൂക്കള മത്സരത്തിന് സോണ് ചെയര്മാന് സുരേഷ് കുമാര്, കണ്വീനര് ജയകുമാര്, സമാജം ജോയന്റ് സെക്രട്ടറി അനില്കുമാര്, സോണ് വൈസ് ചെയര്മാന്മാരായ സുജന്, ശിവദാസന്, ഫൈനാന്സ് കണ്വീനര് റഫി കുര്യന്, ജോയ്ന്റ് കണ്വീനര് പ്രദീപന് , പ്രോഗ്രാം കണ്വീനര് സുജിത്, ഓണാഘോഷ കമ്മറ്റി കണ്വീനര് ഒ.കെ. പ്രജീന് , ശ്രീധരന്, സലി, പവിത്രന് ,വിനോയ്, ജിതിന്, വനിതാ വിഭാഗം ചെയര്പേഴ്സണ് ശകുന്തള, കണ്വീനര് രമ്യ പവിത്രന്, സുമി മുരുഗന്, ശ്രീജ രാജന്, ഷെമിന പ്രദീപ്, ബിന്സി കണ്ണന്, എന്നിവര് നേതൃത്വം നല്കി.
വിജയികള്ക്ക് സെപ്റ്റംബര് 6 ന് വൈറ്റ് ഫീല്ഡ് ശ്രീ മഞ്ജുനാഥ ഓഡിറ്റോറിയത്തില് വെച്ച് നടക്കുന്ന ഓണാഘോഷത്തില് മന്ത്രി എം ലിജു സമ്മാനങ്ങള് വിതരണം ചെയ്യുമെന്ന് സോണ് ചെയര്മാന് സുരേഷ് കുമാര്, കണ്വീനര് ജയ കുമാര് എന്നിവര് അറിയിച്ചു.
