കൊച്ചി: വിസ്മയ മോഹൻലാൽ ബിഗ് സ്ക്രീനിൽ അരങ്ങേറ്റം കുറിക്കുന്ന തുടക്കം വെള്ളിയാഴ്ച തീയറ്ററുകളിലെത്തും. ചിത്രത്തിന്റെ ട്രെയിലർ ലോഞ്ച് കൊച്ചിയിൽ നടൻ മോഹൻലാൽ നിർവഹിച്ചു. ഒന്നര മിനിറ്റിലേറെ ദൈര്ഘ്യമുള്ള ട്രെയ്ലറില് വിസ്മയയ്ക്കൊപ്പം മോഹന്ലാലും എത്തുന്നുണ്ട്. ഒരു മികച്ച ത്രില്ലർ ചിത്രമായിരിക്കും തുടക്കം എന്ന് വ്യക്തമാക്കുന്നതാണ് ട്രെയിലർ നൽകുന്ന സൂചനകൾ. ജൂഡ് ആന്തണി ജോസഫ് സംവിധാനം ചെയ്യുന്ന ചിത്രം നിര്മ്മിച്ചിരിക്കുന്നത് ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂര് ആണ്. ഏഴാം തീയതിയാണ് ചിത്രത്തിന്റെ റിലീസ്.
തുടക്കം തന്റെ സ്വപ്ന സാക്ഷാത്ക്കാരമെന്ന് വിസ്മയ പറഞ്ഞു. തുടക്കത്തെ കുറിച്ചുള്ള പ്രതീക്ഷകൾ മോഹൻലാലും സുചിത്ര മോഹൻലാലും പങ്കുവെച്ചു. സിനിമയ്ക്ക് പിന്നിൽ പ്രവർത്തിച്ച എല്ലാവർക്കും സുചിത്ര മോഹൻലാൽ നന്ദി പറഞ്ഞു.
ആന്റണി പെരുമ്പാവൂരിന്റെ മകൻ ആശിഷ് ജോ ആന്റണിയും ചിത്രത്തില് പ്രധാന വേഷത്തിലെത്തുന്നുണ്ട്. നേരത്തെ പുറത്തുവിട്ട ചിത്രത്തിന്റെ ഫസ്റ്റ്ലുക്ക് പോസ്റ്റർ ശ്രദ്ധേയമായിരുന്നു. മോഹൻലാലും ചിത്രത്തിൽ അതിഥി വേഷത്തിൽ എത്തുന്നുണ്ട്. ഫസ്റ്റ്ലുക്ക് പോസ്റ്ററിലും മോഹൻലാലിന്റെ സാന്നിധ്യമുണ്ടായിരുന്നു
2018 എന്ന വിജയ ചിത്രത്തിന് ശേഷം ജൂഡ് ആന്തണി ജോസഫ് സംവിധാനം ചെയ്യുന്ന ചിത്രമാണ് തുടക്കം. ഫാമിലി ട്രിപ്പ് പോയപോലെ ആയിരുന്നു ചിത്രീകരണമെന്നും ദൈവം തനിക്ക് വേണ്ടി കാത്തുവെച്ചതാണ് തുടക്കമെന്നും ജൂഡ് പറഞ്ഞു. നിർമാതാവ് ആന്റണി പെരുമ്പാവൂർ, സായ് കുമാർ, ബോബി കുര്യൻ, മനോജ് കെ ജയൻ തുടങ്ങിയ നിരവധി താരങ്ങൾ ചടങ്ങിൽ പങ്കെടുത്തു.
സിനിമയുടെ പോസ്റ്ററുകളും കെ.എസ്. ചിത്ര ആലപിച്ച ‘തളിരോമലേ’ എന്ന ഗാനവും ശ്രദ്ധിക്കപ്പെട്ടിരുന്നു. ബോബി കുര്യൻ, ഗണേഷ് കുമാർ, സായ് കുമാർ, മനോജ് .കെ. ജയൻ, ദിനേശ് പ്രഭാകർ, ജാഫർ ഇടുക്കി, കോട്ടയം രമേഷ്, ജിബിൻ ഗോപിനാഥ്, ശിവദാസ് കണ്ണൂർ, ജയ്സ് ജോസ്, ജയാക്കുറുപ്പ്, അശ്വിനി വിജയൻ, എന്നിവരാണ് ചിത്രത്തിലെ മറ്റ് പ്രധാന താരങ്ങൾ.
SUMMARY:The makers of Vismaya Mohanlal’s ‘Thutaake’ movie have released the trailer, creating excitement.
