കസ്തൂരിനഗർ ഔട്ടർ റിങ് റോഡ് മേഖലയിൽ പത്ത് ദിവസത്തേക്ക് ഗതാഗത നിയന്ത്രണം

ബെംഗളൂരു: കസ്തൂരിനഗർ ഔട്ടർ റിംഗ് റോഡിലെ കെംപഗൗഡ അണ്ടർപാസിനടുത്തുള്ള ഇരുമ്പ് പ്ലേറ്റുകളിൽ റെയിൽവേയുടെ കോൺക്രീറ്റ് പ്രവൃത്തികള്‍ നടക്കുന്നതിനാല്‍ വെള്ളിയാഴ്ച മുതൽ 10 ദിവസത്തേക്ക് ഈ മേഖലയിൽ ബെംഗളൂരു ട്രാഫിക് പോലീസ് ഗതാഗത നിയന്ത്രണം ഏർപ്പെടുത്തി.

രാമമൂർത്തിനഗർ, സദാനന്ദനഗർ എന്നിവിടങ്ങളിൽ നിന്ന് കസ്തൂരിനഗർ ഔട്ടർ റിംഗ് റോഡ് സർവീസ് റോഡിലെ (കെമ്പെഗൗഡ അണ്ടർപാസ്) വിജിനപുര എഫ്‌സിഐ ഗോഡൗണിലേക്ക് പോകുന്ന എല്ലാ വാഹനങ്ങൾക്കും താൽക്കാലിക ഗതാഗത നിയന്ത്രണം ഉണ്ടായിരിക്കും.

ബദൽ വഴികൾ
രാമമൂർത്തിനഗറിൽ നിന്ന് വിജിനപുരയിലേക്ക് പോകുന്ന വാഹനങ്ങൾ രാമമൂർത്തിനഗർ മെയിൻ റോഡിൽ നിന്ന് നേരെ വലത്തേക്ക് തിരിഞ്ഞ് എഫ്‌സി‌ഐ റോഡിലേക്ക് പോകാം.

സദാനന്ദനഗറിൽ നിന്ന് വിജിനപുര ഭാഗത്തേക്ക് പോകുന്ന വാഹനങ്ങൾ കസ്തൂരിനഗർ രണ്ടാം ക്രോസ് വഴി രാമമൂർത്തിനഗർ ജംഗ്ഷനിൽ എത്തി വിജിനപുരയിലേക്ക് പ്രവേശിക്കാം.

വിജിനപുരയിൽ നിന്ന് കസ്തൂരിനഗറിലേക്ക് പോകുന്ന വാഹനങ്ങൾക്ക് വിജിനപുര 3-ആം എ ക്രോസ് വഴി കസ്തൂരിനഗറിൽ എത്തിച്ചേരാം.

പാർക്കിംഗ് നിയന്ത്രണം: രാമമൂർത്തിനഗർ സർവീസ് റോഡ് മുതൽ കസ്തൂരിനഗർ സർവീസ് റോഡ് വരെയുള്ള വാഹന പാർക്കിംഗിനും 10 ദിവസത്തേക്ക് പോലീസ് നിയന്ത്രണം ഏർപ്പെടുത്തിയിട്ടുണ്ട്.