ബെംഗളൂരു: ബെംഗളൂരുവില് മയക്കുമരുന്ന് വില്പ്പന നടത്തിവന്ന മലയാളികൾ ഉൾപ്പെടെ മൂന്നു പേര് അറസ്റ്റിലായി. ബുധനാഴ്ച രാവിലെ രണ്ടുസംഭവങ്ങളിലായി രണ്ടുമലയാളികൾ ഉൾപ്പെടെയാണ് അറസ്റ്റിലായത്. ഇവരിൽ നിന്ന് ആകെ 20 ലക്ഷം രൂപയുടെ മയക്കുമരുന്നകൾ കണ്ടെത്തി. മല്ലേശ്വരം പോലീസ് നടത്തിയ പരിശോധനയില് മലയാളികളായ ശ്രീകുട്ടൻ, മീർഷാദ് എന്നിവരാണ് പിടിയിലായത്. ഇവരിൽനിന്ന് 12 ലക്ഷം രൂപ വിലയുള്ള എം.ഡി.. എം.എ., കഞ്ചാവ്, ഹൈഡ്രോ കഞ്ചാവ് എന്നിവ പിടികൂടി. കേരളത്തിൽനിന്ന് ലഹരിയെത്തിച്ച് വിൽപ്പന നടത്തുകയായിരുന്നു ഇവരെന്ന് പോലീസ് അറിയിച്ചു.
മറ്റൊരു കേസില് ഒഡിഷ സ്വദേശിയായ ഫായിസി(32)നെ കെ.ജി. ഹള്ളി പോലീസാണ് അറസ്റ്റുചെയ്തത്. പോലീസിന് ലഭിച്ച രഹസ്യവിവരത്തെതുടര്ന്നു നടത്തിയ പരിശോധനയിലാണ് ഇയാളെ പിടികൂടിയത്. ഇയാളിൽനിന്ന് എട്ടുലക്ഷം രൂപ വിലവരുന്ന എം.ഡി. എം.എ., ഹൈഡ്രോ കഞ്ചാവ് എന്നിവ പിടികൂടി. ഒഡിഷയിൽനിന്ന് വൻതോതിൽ കഞ്ചാവ് ബെംഗളൂരുവിലെത്തിച്ച് വിൽപ്പന നടത്തിയിരുന്നയാളാണ് പിടിയിലായതെന്ന് പോലീസ് അറിയിച്ചു.
SUMMARY: Drug trafficking: Three people, including two Malayalis, arrested in Bengaluru
WhatsApp
Telegram
