തിരുവനന്തപുരം: സംസ്ഥാനത്ത് ഇന്ന് മുതല് ട്രോളിംഗ് നിരോധനം നിലവിൽ വന്നു. കേരളതീരത്ത് കരയില് നിന്നും കടലിലേക്ക് 12 നോട്ടിക്കല് മൈല് ദൂരം മത്സ്യബന്ധനം പാടില്ല. 52 ദിവസങ്ങളിലായി നടപ്പിലാക്കുന്ന ട്രോളിംഗ് നിരോധനം ജൂലൈ 31 വരെ നീളും. പരമ്പരാഗത മത്സ്യബന്ധന വള്ളങ്ങളെ നിയന്ത്രണം സാധിക്കില്ല.
പ്രജനനം സുഗമമാക്കുക വഴി മത്സ്യ സമ്പത്ത് വർധിപ്പിക്കാൻ ലക്ഷ്യമിട്ടാണ് മൺസൂൺ കാല ട്രോളിംഗ് നിരോധനം. ഇക്കാലയളവിൽ യന്ത്രവത്കൃത ബോട്ടുകൾക്ക് കടലിൽ പോയി മീൻ പിടിക്കാൻ വിലക്കുണ്ട്. കർശന പരിശോധനയുണ്ടാകുമെന്ന് കോസ്റ്റ് ഗാർഡ് അറിയിച്ചു. ഹാർബറുകളിലെ ഡീസൽ ബങ്കുകളുടെ പ്രവർത്തനവും നിർത്തിവെക്കും. അന്യസംസ്ഥാന ബോട്ടുകൾക്ക് തീരത്ത് വിലക്കുണ്ട്.
ട്രോളിഗിന്റെ ഭാഗമായി നീണ്ടകര പാലത്തിന്റെ പടിഞ്ഞാറുഭാഗം, തങ്കശ്ശേരി, അഴീക്കല് ഹാര്ബറുകള് ഉള്പ്പെടെയുള്ള പ്രദേശങ്ങളില് യന്ത്രമത്സ്യബന്ധന ബോട്ടുകളുടെ സഞ്ചാരവും നങ്കൂരമിടലും പൂര്ണ്ണമായി നിരോധിക്കും. ഇന്ബോര്ഡ് എഞ്ചിന് ബോട്ടുകള് ഒഴികെയുള്ള മറ്റെല്ലാ പരമ്പരാഗത ബോട്ടുകള്ക്കും നീണ്ടകര ഫിഷിംഗ് ഹാര്ബര് വഴി പ്രവര്ത്തനാനുമതി ഉണ്ടായിരിക്കുമെന്ന് ജില്ലാ ഭരണകൂടം അറിയിച്ചു. അഷ്ടമുടിക്കായലിന്റെ കിഴക്കന്തീരങ്ങളിലും കായല്മുഖങ്ങളിലുമുള്ള സ്വകാര്യജെട്ടികളിലും വോര്ഫുകളിലും യന്ത്ര ബോട്ടുകള്ക്ക് ലാന്ഡിംഗ് സൗകര്യം നല്കരുതെന്നാണ് നിര്ദേശം. മറ്റ് സംസ്ഥാനങ്ങളില് നിന്നുള്ള മത്സ്യബന്ധന ബോട്ടുകള്ളോട് നിരോധനം ആരംഭിക്കുന്നതിന് മുമ്പ് കൊല്ലം തീരം വിട്ടുപോകാനും നിര്ദ്ദേശിച്ചിട്ടുണ്ട്. നിര്ദ്ദേശങ്ങള് ലംഘിച്ചാല് കടുത്ത നടപടി ഉണ്ടാകുമെന്നാണ് മുന്നറിയിപ്പ്.
SUMMARY:Trawling ban begins in the state; fishing prohibited for 52 days
