ലണ്ടൻ: ലണ്ടനിലെ പൊതുസ്ഥലത്ത് പാൻമസാല ചവച്ച് തുപ്പിയതിന് 2 ഇന്ത്യക്കാർക്ക് പിഴ ചുമത്തി. 1.72 ലക്ഷം രൂപയാണ് പിഴ ചുമത്തിയത്. എഡ്ജ് വെയറില് താമസിക്കുന്ന അക്ഷിത് കുമാർ, റുയിസ്ലിപിലെ ഹിതേഷ് പട്ടേല് എന്നിവർക്കാണ് 1.72 ലക്ഷം രൂപ വീതം പിഴ ചുമത്തിയത്. ലണ്ടനിലെ പ്രദേശിക മാധ്യമങ്ങളാണ് ഇക്കാര്യം റിപ്പോർട്ട് ചെയ്യുന്നത്.
പാൻ മസാല ചവച്ച് തുപ്പിയതിന് 12,371 രൂപയാണ് ഇരുവർക്കും ആദ്യം പിഴ ചുമത്തിയിരുന്നത്. നോർത്ത് വെസ്റ്റ് ലണ്ടൻ മജിസ്ട്രേറ്റ് കോടതിയുടേതാണ് നടപടി. എന്നാല് കോടതിയില് ഹാജരാകാനോ പിഴത്തുക അടയ്ക്കാനോ ഇരുവരും തയാറായിരുന്നില്ല. ഈ സാഹചര്യത്തിലാണ് പിഴത്തുക 1.72 ലക്ഷമായി ഉയർന്നത്.
2025 ജൂണ് 11- ന് കിംഗ്സ്ബറിയിലെ റോഡില് പാൻമസാല ചവച്ചുതുപ്പിയതിനാണ് അക്ഷിത് കുമാറിനെ ശിക്ഷിച്ചത്. തൊട്ടടുത്ത ദിവസം വെംബ്ലി ഹില്ലിലെ റോഡില് തുപ്പിയതിന് ഹിതേഷ് പട്ടേലിനുമാണ് കോടതി ശിക്ഷിച്ചത്.
SUMMARY: Two Indians fined Rs 1.72 lakh each in London for chewing and spitting pan masala in public
