ബെംഗളൂരു : രാമനഗരയിൽ വാഹനാപകടത്തിൽ പോലീസ് സബ് ഇൻസ്പെക്ടർ ഉൾപ്പെടെ രണ്ട് പേർ മരിച്ചു. ഇലക്ട്രോണിക് സിറ്റി ട്രാഫിക് പോലീസ് സ്റ്റേഷനിലെ സബ് ഇൻസ്പെക്ടറായ നാഗരാജാണ് മരിച്ചത്. രണ്ടാമത്തെയാളെ തിരിച്ചറിഞ്ഞിട്ടില്ല. കർണാടക ആർടിസി ബസ് റോഡിലെ ഡിവൈഡറിലിടിച്ച് നിയന്ത്രണം വിട്ട് ബൈക്കുമായി കൂട്ടിയിടിച്ച് മറിഞ്ഞാണ് അപകടമുണ്ടായത്. ബൈക്കിലുണ്ടായിരുന്നവരാണ് മരിച്ചത്.
നാല് പേർക്ക് സാരമായി പരുക്കേറ്റു. തിങ്കളാഴ്ച രാവിലെ കനകപുര-ബെംഗളൂരു റൂട്ടിലെ കഗ്ഗാലിപുരയിലായിരുന്നു അപകടം.
കനകപുരയിൽനിന്ന് ബെംഗളൂരുവിലേക്ക് വരുകയായിരുന്ന ബസ് നിയന്ത്രണം വിട്ട് സർവീസ് റോഡിലേക്ക് തെന്നിമാറി അതുവഴി വന്നബൈക്കിനെ ഇടിച്ചുതെറിപ്പിച്ച് റോഡിന്റെ വശത്തെ താഴ്ചയിലേക്ക് മറിയുകയായിരുന്നു.
<br>
TAGS: BUS ACCIDENT, RAMANAGARA
SUMMARY: Two killed in road accident in Ramanagara
