കർണാടകയിൽ എം.എൽ.സി. തിരഞ്ഞെടുപ്പിൽ കോൺഗ്രസിന് കനത്ത തിരിച്ചടി, ഒറ്റ സീറ്റും ലഭിച്ചില്ല; നാലിലും എൻഡിഎ

ബെംഗളൂരു: കര്‍ണാടക ലെജിസ്​ലേറ്റീവ് കൗണ്‍സിലിലേക്ക് നടന്ന തിരഞ്ഞെടുപ്പില്‍ കോണ്‍ഗ്രസിന് തിരിച്ചടി. തിരഞ്ഞെടുപ്പുനടന്ന നാലുസീറ്റുകളിലും എൻ.ഡി.എ. സഖ്യം വിജയിച്ചു. മൂന്ന് സീറ്റുകളിൽ ബിജെപിയും ഒരിടത്ത് ജെഡിഎസും ആണ് വിജയിച്ചത്. കോൺഗ്രസിന് സിറ്റിങ് സീറ്റടക്കം നഷ്ടമായി. ബെംഗളൂരു ടീച്ചേഴ്സ് മണ്ഡലം സീറ്റ് കോണ്‍ഗ്രസില്‍ നിന്ന് ജെഡിഎസ് സ്ഥാനാര്‍ഥിയിലൂടെ എന്‍ഡിഎ പിടിച്ചെടുത്തു. കോണ്‍ഗ്രസിന്‍റെ സിറ്റിങ് എംഎല്‍സി പുട്ടണ്ണയാണ് എന്‍ഡിഎ സ്ഥാനാര്‍ഥി എ.പി.രംഗനാഥിനോട് പരാജയപ്പെട്ടത്. ബിജെപി-ജെഡിഎസ് സഖ്യത്തിന്റെ സംയുക്ത സ്ഥാനാർഥിയായ രംഗനാഥ് 908 വോട്ടിന്റെ ഭൂരിപക്ഷത്തിലാണ് വിജയിച്ചത്. രംഗനാഥിന് 10,810 വോട്ടുകൾ ലഭിച്ചപ്പോൾ പുട്ടണ്ണയ്ക്ക് 9,902 വോട്ടുകളാണ് ലഭിച്ചത്. 2023ലെ കർണാടക നിയമസഭാ തിരഞ്ഞെടുപ്പിന് മുന്നോടിയായി ജെഡിഎസ് വിട്ട് കോൺഗ്രസിലെത്തിയ നേതാവാണ് പുട്ടണ്ണ.

ವಿಧಾನ ಪರಿಷತ್‌ ಚುನಾವಣೆಯಲ್ಲಿ ಜಯ ಗಳಿಸಿದ ಎಲ್ಲಾ ಎನ್‌ಡಿಎ ಅಭ್ಯರ್ಥಿಗಳಿಗೆ ಅಭಿನಂದನೆಗಳು.

ಗೆಲುವಿಗೆ ಸಹಕರಿಸಿದ ಪದವೀಧರ, ಶಿಕ್ಷಕ ಮತದಾರ ಬಂಧುಗಳಿಗೆ ಮತ್ತು ಶ್ರಮಿಸಿದ ಪ್ರತಿಯೊಬ್ಬರಿಗೂ ಧನ್ಯವಾದಗಳು.

#MLCElection #NDA https://t.co/RhJPjt8v28

— BJP Karnataka (@BJP4Karnataka) October 28, 2026

വെസ്റ്റ് ഗ്രാജ്വേറ്റ് മണ്ഡലത്തിൽ ബി.ജെ.പി.യുടെ എസ്.വി. ശങ്കന്നൂർ വിജയിച്ചു. കോൺഗ്രസിലെ മോഹൻ ലിംബികായിയെ 4277 വോട്ടിനാണ് പരാജയപ്പെടുത്തിയത്. നോർത്ത്-ഈസ്റ്റ് ടീച്ചേഴ്‌സ് മണ്ഡലത്തിൽ ബി.ജെ.പി.യുടെ ശശിൽ ജി. നമോഷി വിജയിച്ചു. കോൺഗ്രസ് സ്ഥാനാർഥി ശരണപ്പ മറ്റൂറിനെയാണ് പരാജയപ്പെടുത്തിയത്.

സൗത്ത് ഈസ്റ്റ് ഗ്രാജ്വേറ്റ് മണ്ഡലത്തിൽ ബി.ജെ.പി.യിലെ കെ.എം. സുരേഷ് മുന്നിട്ടുനിൽക്കുകയാണ്. കോൺഗ്രസിലെ ശശി ഹുലികുണ്ടേമഠാണ് എതിർ സ്ഥാനാർഥി.

വോട്ടർപട്ടികയുടെ പ്രത്യേക തീവ്ര പരിഷ്‌കരണ (എസ്ഐആർ) നടപടിക്കെതിരെ കോൺഗ്രസ് പ്രതിഷേധം ശക്തമാക്കിയിരിക്കുകയാണ്. തിരഞ്ഞെടുപ്പുകളിൽ ബാലറ്റ് പേപ്പർ ഉപയോഗിക്കണമെന്ന ആവശ്യവും ഇവിഎമ്മുകളുടെ വിശ്വാസ്യത സംബന്ധിച്ച ആരോപണങ്ങളും പാർട്ടി ഉന്നയിച്ചുവരുന്നതിനിടെയാണ് ഈ പരാജയം. തിരഞ്ഞെടുപ്പ് ഫലം പുറത്തുവന്നതോടെ  കോൺഗ്രസ് നേതാവ് രാഹുൽ ഗാന്ധിയെ പരിഹസിച്ച് ജെഡിഎസ് നേതാവ് നിഖിൽ കുമാരസ്വാമി രംഗത്തെത്തി. കർണാടകയിൽ കോൺഗ്രസ് സർക്കാർ അധികാരത്തിലിരിക്കെ, വിദ്യാഭ്യാസമുള്ള അധ്യാപകർ ബാലറ്റ് പേപ്പറിലൂടെ വോട്ട് ചെയ്തിട്ടും പാർട്ടി പരാജയപ്പെട്ടതിനെ ചൂണ്ടിക്കാട്ടിയായിരുന്നു നിഖിൽ കുമാരസ്വാമിയുടെ പരിഹാസം.

‘പഴി കേള്‍ക്കാന്‍ ഇവിഎം ഇല്ല. ഭരണവും നിങ്ങളുടെ കയ്യില്‍, തിര‍ഞ്ഞെടുപ്പ് നടത്തിയത് ബാലറ്റിലും. എന്നിട്ടും എന്‍ഡിഎയുടെ എ.പി.രംഗനാഥ് ബെംഗളൂരു ടീച്ചേഴ്സ് മണ്ഡലത്തിലെ എംഎല്‍സിയായി തിരഞ്ഞെടുക്കപ്പെട്ടു. ഇപ്പോള്‍ എന്ത് ന്യായീകരണം നല്‍കും? പേപ്പര്‍ ചോരിയെന്നോ?’- നിഖില്‍ കുറിച്ചു.

SUMMARY: A major setback for the Congress in the Karnataka MLC elections—they failed to secure a single seat, while the NDA won all four.