കോഴിക്കോട്: ഊരാളുങ്കല് ലേബര് കോണ്ട്രാക്ട് കോ-ഓപ്പറേറ്റീവ് സൊസൈറ്റി ചെയര്മാന് രമേശന് പാലേരി (65) അന്തരിച്ചു. കോയമ്പത്തൂരിലെ ആശുപത്രിയില് ചികിത്സിയിലിരിക്കെയാണ് അന്ത്യം. ദീര്ഘനാളായി അര്ബുദ ബാധിതനായിരുന്നു. 1995ലാണ് ഊരാളുങ്കല് ചെയര്മാനായി രമേശന് ചുമതലയേറ്റത്.
സൊസൈറ്റിയുടെ രണ്ടാമത്തെ പ്രസിഡന്റ് പാലേരി ചന്തമ്മന് രമേശന് പാലേരിയുടെ മുത്തച്ഛനായിരുന്നു. 32 വര്ഷം സൊസൈറ്റിയെ നയിച്ച പാലേരി കണാരന് ഇദ്ദേഹത്തിന്റെ പിതാവും. പിതാവിന്റെ വഴിയെ രമേശനും 32 വര്ഷം സൊസൈറ്റിയുടെ ചെയര്മാനായി. ഫെബ്രുവരി 13നാണ് ഊരാളുങ്കല് കൂലിവേലക്കാരുടെ സംഘം രജിസ്റ്റര് ചെയ്യുന്നത്.
മൂലധനം 36 പൈസ. വാഗ്ഭടാനന്ദന്റെ ശിഷ്യന്മാരായ 14 പേരായിരുന്നു പ്രമോട്ടിങ് കമ്മിറ്റി അംഗങ്ങള്. ചാപ്പയില് കുഞ്ഞ്യേക്കു ഗുരുക്കളെ ആദ്യത്തെ പ്രസിഡന്റായി തിരഞ്ഞെടുത്തു. കൂലിവേലക്കാരുടെ പരസ്പര സഹായസംഘമായി ചെറിയരൂപത്തില് തുടക്കമിട്ട് ലോകത്തിലെ ഏറ്റവുംവലിയ രണ്ടാമത്തെ ലേബര് സൊസൈറ്റി എന്ന പദവിയിലേക്കുയര്ന്നു.
SUMMARY: Uralungal Society Chairman Rameshan Paleri has passed away
