ബെംഗളൂരു: ബെംഗളൂരു കെംപെഗൗഡ അന്താരാഷ്ട്ര വിമാനത്താവളത്തിൽ യാത്രക്കാരില് നിന്നും ഈടാക്കുന്ന യൂസർ ഡെവലപ്മെന്റ് ഫീസ് നിരക്ക് കുറച്ചേക്കും. ബെംഗളൂരു ഇന്റർനാഷണൽ എയർപോർട്ട് ലിമിറ്റഡ് യാത്രക്കാരിൽ നിന്ന് ഈടാക്കുന്ന യൂസർ ഡെവലപ്മെന്റ് ഫീസ് അഥവാ യുഡിഎഫ് 18% വരെ കുറയ്ക്കാൻ വിമാനത്താവള സാമ്പത്തിക നിയന്ത്രണ അതോറിറ്റിക്ക് സമർപ്പിച്ച റിപ്പോര്ട്ടില് നിർദ്ദേശം നല്കി.
പുതുക്കിയ നിരക്കുകൾ 2026 സെപ്റ്റംബർ മുതൽ 2029 മാർച്ച് വരെ പ്രാബല്യത്തിലുണ്ടാകുമെന്നാണ് റിപ്പോര്ട്ട്. നിർദ്ദേശം നിലവില് വരുന്നതോടെ 2026 സെപ്റ്റംബർ മുതൽ ആഭ്യന്തര സർവീസുകളിലെ യാത്രക്കാരുടെ യുഡിഎഫ് നിരക്ക് നിലവിലെ 1550 രൂപയിൽ നിന്ന് 1450 രൂപയായും അന്താരാഷ്ട്ര യാത്രക്കാർക്ക് നിലവിലുള്ള 1500 രൂപയ്ക്ക് പകരം 1,215 രൂപയായും കുറയും. തുടർന്ന് 2029 ഏപ്രിൽ മുതൽ ആഭ്യന്തര യാത്രക്കാർക്കുള്ള യുഡിഎഫ് 1,245 രൂപയായും അന്താരാഷ്ട്ര യാത്രക്കാർക്കുള്ളത് 1050 രൂപയായും വീണ്ടും കുറയ്ക്കാനും ബിഐഎഎൽ പദ്ധതിയിടുന്നുവെന്നാണ് ലഭ്യമായ റിപ്പോർട്ടുകൾ സൂചിപ്പിക്കുന്നത്.
രാജ്യത്തെ ഏറ്റവും തിരക്കേറിയ മൂന്നാമത്തെ വിമാനത്താവളമാണ് ബെംഗളൂരു കെംപെഗൗഡ അന്താരാഷ്ട്ര വിമാനത്താവളം. 2025-26 സാമ്പത്തിക വർഷത്തിൽ 4.41 കോടി യാത്രക്കാരാണ് ബെംഗളൂരു വിമാനത്തവാളം വഴി യാത്ര ചെയ്തത്.
SUMMARY: User development fee rate may be reduced at Bengaluru airport
