ഉത്തരകാശി: ഉത്തരാഖണ്ഡിൽ കഴിഞ്ഞ ദിവസമുണ്ടായ മേഘവിസ്ഫോടനത്തിൽ തിരച്ചിൽ തുടരുന്നു. 100 പേർ അവശിഷ്ടങ്ങൾക്കിടയിൽ കുടുങ്ങികിടക്കുന്നതായി നിഗമനം. ചൊവ്വാഴ്ച ഒന്നരയോടെയാണ് ഉത്തരകാശിയില് നിന്ന് 76 കിലോമീറ്റര് അകലെയുള്ള ധരാലി ഗ്രാമത്തില് മേഘവിസ്ഫോടനവും മിന്നല് പ്രളയവുമുണ്ടായത്. ഘീര്ഗംഗ നദിയിലൂടെ കുതിച്ചെത്തിയ പ്രളയ ജലം ധരാളി ഗ്രാമത്തെ തുടച്ച് നീക്കി.
#BreakingNews | Village washed away, several feared missing after a major cloudburst struck Dharali area near Harsil in Uttarakhand's Uttarkashi#Uttarkashi #Uttarakhand #UttarakhandNews #CloudBurst #Harsil pic.twitter.com/ne6JNzXa5Q
— DD News (@DDNewslive) August 5, 2025
സമുദ്രനിരപ്പില്നിന്ന് 8,600 അടി ഉയരത്തില് സ്ഥിതിചെയ്യുന്ന വിനോദസഞ്ചാരകേന്ദ്രം കൂടിയായ ധരാലിയിലെ വീടുകളും റെസ്റ്റോറന്റുകളുമുള്പ്പെടെ കെട്ടിടങ്ങള് ഒന്നാകെയാണ് തകര്ന്നടിഞ്ഞൊഴുകിയത്. അവശിഷ്ടങ്ങള്ക്കൊപ്പം ഒലിച്ചുപോയ മനുഷ്യരെക്കുറിച്ച് ഇനിയും വിവരം ലഭിച്ചിട്ടില്ല. നാലുപേരുടെ മരണം സ്ഥിരീകരിച്ചിട്ടുണ്ട്. രക്ഷാപ്രവർത്തനത്തിനെത്തിയ ഒമ്പത് സൈനികരെ കാണാതായി.
എസ്.ഡി.ആർ.എഫ്, എൻഡിആർഎഫ്, കരസേന, ഐടിബിപി തുടങ്ങിയവരുടെ നേതൃത്വത്തിലാണ് നിലവിൽ രക്ഷാപ്രവർത്തനം പുരോഗമിക്കുന്നത്. മണ്ണിനടിയിൽ കുടുങ്ങിയവരെ കണ്ടെത്താൻ കെടാവർ നായകളെ എത്തിക്കും. മണ്ണിനടിയിൽ കുടുങ്ങിക്കിടക്കുന്നവരെ കണ്ടെത്താൻ ദില്ലിയിൽനിന്ന് കെഡാവർ നായ്ക്കളെ വിമാനമാർഗ്ഗം ഉത്തരാഖണ്ഡിൽ എത്തിക്കും.
റോഡുകള് തകര്ന്നതും മോശം കാലാവസ്ഥയും കുത്തനെയുള്ള ഭൂപ്രകൃതിയും രക്ഷാപ്രവര്ത്തനത്തെ ബാധിക്കുന്നുണ്ട്. ഉത്തരാഖണ്ഡ് മുഖ്യമന്ത്രി പുഷ്കര് സിംഗ് ധാമി ഇന്ന് അപകടസ്ഥലം സന്ദര്ശിച്ചേക്കും. അപകടസാധ്യത തുടരുന്നതിനാല് പ്രദേശവാസികള്ക്ക് ജാഗ്രത നിര്ദേശം നല്കിയിട്ടുണ്ട്.
SUMMARY: Uttarakhand disaster: 100 people, including 9 soldiers, missing, entire village washed away
