ചെന്നൈ: തമിഴ്നാട്ടില് വാഹനാപകടത്തില് ആറ് പേര് മരിച്ചു. കള്ളാക്കുറിച്ചി തിരുച്ചിറപ്പള്ളി -ചെന്നൈ ദേശീയ പാതയില് ഉളുന്തൂര്പേട്ടയിലാണ് അപകടമുണ്ടായത്. മരിച്ചവരില് രണ്ട് പേര് സ്ത്രീകളാണ്. അപകടത്തില് പരുക്കേറ്റ 14 പേരെ വില്ലുപുരം മുണ്ടിയാമ്പക്കം സര്ക്കാര് ആശുപത്രിയില് പ്രവേശിപ്പിച്ചു.
നിയന്ത്രണം നഷ്ടപ്പെട്ട ടൂറിസ്റ്റ് വാന് മരത്തിലേക്ക് ഇടിച്ചുകയറിയാണ് അപകടമുണ്ടായത്. തിരുച്ചെന്തൂര് മുരുകന് ക്ഷേത്രത്തില് ദര്ശനം നടത്തി മടങ്ങിയവരാണ് അപകടത്തില്പ്പെട്ടത്. അപകടം നടന്നയുടന് പോലീസും അഗ്നിരക്ഷാ സേനയും സ്ഥലത്തെത്തി രക്ഷാപ്രവര്ത്തനത്തിന് നേതൃത്വം നല്കി.
<BR>
TAGS : ACCIDENT | TAMILNADU
SUMMARY : Van crashes into tree in Tamil Nadu; Six people died
