കൊച്ചി: മലയാള സിനിമയില് അടുത്ത കാലത്തുണ്ടായ ഏറ്റവും വലിയ ബോക്സ് ഓഫീസ് വിസ്മയമായി മാറുകയാണ് ‘വാഴ 2’. സോഷ്യല് മീഡിയ താരങ്ങളെ അണിനിരത്തി വിപിൻ ദാസിന്റെ തിരക്കഥയില് പുറത്തിറങ്ങിയ ഈ ചിത്രം വെറും നാല് ദിവസം കൊണ്ട് 60 കോടി രൂപയുടെ ആഗോള കളക്ഷൻ നേടിയിരിക്കുകയാണ്. 2024ല് പുറത്തിറങ്ങിയ ആദ്യ ഭാഗത്തേക്കാള് വലിയ വിജയം തീര്ത്തിരിക്കുകയാണ് വാഴ 2.
റിലീസ് ചെയ്തതിന് ശേഷമുള്ള ആദ്യ ഞായറാഴ്ച 8.40 കോടി രൂപയാണ് സിനിമ കളക്റ്റ് ചെയ്തത്. ശനിയാഴ്ച 7.20 കോടി രൂപയും സിനിമ ബോക്സോഫീസില് നിന്നും നേടിയിരുന്നു. ആദ്യ ദിവസം 10.5 കോടി രൂപയാണ് സിനിമ ഇന്ത്യയില് നിന്നും നേടിയത്. നാല് ദിവസം കൊണ്ട് ഇന്ത്യയില് നിന്ന് 29.70 കോടിയും ഓവര്സീസില് നിന്നും 33.25 കോടിയുമാണ് സിനിമ നേടിയത്.
ഇതോടെ ആഗോള ബോക്സോഫീസില് നിന്ന് സിനിമ 62.95 കോടി കളക്റ്റ് ചെയ്തു. ആദ്യ ഭാഗമായ വാഴ 41.75 കോടി രൂപയായിരുന്നു ആകെ കളക്റ്റ് ചെയ്തത്. സിനിമയുടെ നിര്മാതാവ് കൂടിയായ സംവിധായകന് വിപിന് ദാസ് ആണ് വാഴയുടെ രചന നിര്വഹിച്ചിരിക്കുന്നത്. ഇന്സ്റ്റഗ്രാം റീല്സുകളിലൂടെ ശ്രദ്ധ നേടിയ ഹാഷിറും ടീമുമാണ് വാഴ 2 വിലെ പ്രധാന താരങ്ങള്.
SUMMARY: ‘Vazha 2’ creates a wave at the box office; earns Rs 60 crore in four days
WhatsApp
Telegram
