തിരുവനന്തപുരം: മന്ത്രി കെ.എൻ. ബാലഗോപാലിന്റെ വാഹനം അപകടത്തില്പെട്ട സംഭവത്തില് കാർ ഡ്രൈവർക്കെതിരേ കേസ്. പത്തനംതിട്ട ഇലന്തൂർ സ്വദേശി മാത്യു തോമസിനെതിരേയാണ് കേസ്. പ്രതി മദ്യപിച്ചാണ് വാഹനമോടിച്ചതെന്ന് വൈദ്യ പരിശോധനയില് കണ്ടെത്തിയിട്ടുണ്ട്.
ശനിയാഴ്ച വാമനപുരത്ത് വച്ചായിരുന്നു അപകടം. എതിരേ വന്ന കാർ നിയന്ത്രണം വിട്ട് മന്ത്രിയുടെ കാറില് ഇടിക്കുകയായിരുന്നു. മന്ത്രിയടക്കം കാറിലുള്ളവർ പരുക്കേല്ക്കാതെ രക്ഷപ്പെട്ടു. തുടർന്ന് ജി. സ്റ്റീഫൻ എംഎല്എയുടെ കാറിലാണ് മന്ത്രി യാത്ര തുടർന്നത്.
SUMMARY: Vehicle accident; Case filed against driver
