ബെംഗളൂരു: മംഗളൂരുവിനെയും ബെംഗളൂരുവിനെയും ബന്ധിപ്പിക്കുന്ന ദേശീയ പാത-75ലെ ഷിരാടി ഘട്ട് സെക്ഷനിൽ വാഹനഗതാഗതത്തിന് താൽക്കാലിക നിയന്ത്രണം. കനത്ത മഴയും തുടർന്നുള്ള മണ്ണിടിച്ചിലും കാരണം റോഡ് ഭാഗികമായി തകർന്ന സാഹചര്യത്തിലാണ് നടപടി. ആവശ്യമായ അറ്റകുറ്റപ്പണികൾ പൂർത്തിയാകുന്നതുവരെ ഗതാഗത നിരോധനം തുടരുമെന്ന് ഹാസൻ ഡെപ്യൂട്ടി കമ്മീഷണർ സത്യഭാമ സി. അറിയിച്ചു.
പ്രദേശത്ത് തുടരുന്ന കനത്ത മഴയെ തുടർന്ന് ഹാസനും മാറനഹള്ളിക്കും ഇടയിലുള്ള എൻഎച്ച്-75 പാതയിൽ വ്യാഴാഴ്ച മണ്ണിടിച്ചിലുണ്ടായിരുന്നു. ഇതേതുടർന്ന് ഈ ഭാഗത്തെ റോഡുകൾ പലതും ഭാഗികമായി തകർന്ന സ്ഥിതിയിലാണ്. പൊതുസുരക്ഷ ഉറപ്പാക്കുന്നതിന്, അടിയന്തര വാഹനങ്ങൾ ഒഴികെ ഈ ഭാഗത്തെ എല്ലാ വാഹനഗതാഗതവും നിയന്ത്രിക്കുമെന്ന് ഡെപ്യൂട്ടി കമ്മീഷണർ പറഞ്ഞു. ഇതോടെ മൈസൂരുവിലേക്കും ബെംഗളൂരുവിലേക്കും പോകുന്നവർ ചാർമാടി ഘട്ട്, കൊട്ടിഗെഹാര വഴി ബദൽ റൂട്ട് സ്വീകരിക്കാൻ ഡെപ്യൂട്ടി കമ്മീഷണർ നിർദ്ദേശിച്ചു.
TAGS: KARNATAKA | SHIRADI GHATT
SUMMARY: Heavy rains lead to closure of Shirady Ghat section for vehicular movement on NH-75
