വയനാട് ദുരന്തത്തില് കൈത്താങ്ങായി സിനിമ ലോകം. നിരവധി താരങ്ങളാണ് വയനാടിന് കൈത്താങ്ങായി എത്തുന്നത്. ഇപ്പോഴിതാ വയനാടിന് സഹായവുമായി മമ്മൂട്ടിയും ദുല്ഖല് സല്മാനും രംഗത്ത് എത്തിയിരിക്കുകയാണ്. മമ്മൂട്ടി 20 ലക്ഷം രൂപയും ദുല്ഖർ സല്മാൻ 15 ലക്ഷം രൂപയുമാണ് നല്കിയത്. തുക മന്ത്രി പി. രാജീവ് ഏറ്റുവാങ്ങി.
25 ലക്ഷം രൂപ മുഖ്യമന്ത്രിയുടെ ദുരിതാശ്വാസ നിധിയിലേക്കു കൈമാറി ഫഹദ് ഫാസിലും നസ്രിയയും. ഫഹദിന്റെയും നസ്രിയയുടെയും ഉടമസ്ഥതയിലുളള ഫഹദ് ഫാസില് ആൻഡ് ഫ്രണ്ട്സ് എന്ന നിർമാണകമ്പനി വഴിയാണ് തുക ദുരിതാശ്വാസ നിധിയിലേക്കു നല്കിയത്.
സൂര്യ, ജ്യോതിക, കാർത്തി എന്നിവർ ചേർന്ന് 50 ലക്ഷം രൂപ കൈമാറി. ഹൃദയം തകർന്നു പോകുന്നു. ദുരിതം അനുഭവിക്കുന്നവർക്കായി പ്രാർത്ഥിക്കുന്നു. രക്ഷാപ്രവർത്തനത്തിലേർപ്പെട്ടിരിക്കുന്ന സർക്കാർ ഏജൻസി അംഗങ്ങളോടും ജനങ്ങളോടും ബഹുമാനം എന്നാണ് സൂര്യ എക്സില് കുറിച്ചിരിക്കുന്നത്.
രശ്മിക മന്ദാന 10 ലക്ഷം രൂപ കൈമാറി. വയനാട്ടിലെ ദുരന്ത വാർത്ത കണ്ടപ്പോള് ഹൃദയം നുറുങ്ങിപ്പോയെന്ന് രശ്മിക മന്ദാന സോഷ്യല് മീഡിയയില് കുറിച്ചു. ഭീകരമാണ് ഈ അവസ്ഥ. ദുരിതബാധിതരുടെ കുടുംബങ്ങള്ക്കായി പ്രാർത്ഥിക്കുന്നുവെന്നും രശ്മിക കുറിച്ചു. കഴിഞ്ഞ ദിവസം വിക്രം 20 ലക്ഷം രൂപ നല്കിയിരുന്നു.
TAGS : WAYANAD LANDSLIDE | FILM STAR
SUMMARY : The film world is holding the victims together
