വയനാട് പുനരധിവാസം; തിപ്പസാന്ദ്ര ഫ്രണ്ട്സ് അസോസിയേഷന്‍ മുഖ്യമന്ത്രിയുടെ ദുരിതാശ്വാസനിധിയിലേക്ക് 80,000 രൂപ നല്‍കി

ബെംഗളൂരു : വയനാട് ദുരന്ത ഭൂമിയിലെ പുനരധിവാസ പ്രവര്‍ത്തനങ്ങള്‍ക്കായി മുഖ്യമന്ത്രിയുടെ ദുരിതാശ്വാസ നിധിയിലേക്ക് ബെംഗളൂരുവിലെ പ്രമുഖ സാംസ്കാരിക സംഘടനയായ തിപ്പസാന്ദ്ര ഫ്രണ്ട്സ് അസോസിയേഷന്‍ 80,000 രൂപ സംഭാവനയായി നല്‍കി. പ്രസിഡന്റ് പി. മോഹന്‍ദാസ്, വൈസ് പ്രസിഡന്റ് കെ.വി രാധാകൃഷ്ണന്‍, സെക്രട്ടറി പ്രദീപ് പി.പി, ട്രഷറര്‍ എ.കെ രാജന്‍, എക്‌സിക്യൂട്ടീവ് കമ്മിറ്റി അംഗങ്ങളായ പ്രഹ്ലാദന്‍ ഇ.ആര്‍, കല്‍പ്പന ആര്‍ തുടങ്ങിയവര്‍ ചേര്‍ന്ന് ബെംഗളൂരു നോര്‍ക്ക ഓഫീസില്‍ എത്തി നോർക്ക വികസന ഓഫീസർ.റീസ രഞ്ജിത്തിന് ഡി.ഡി  കൈമാറി. നോര്‍ക്ക റൂട്ട്‌സ് വഴി മുഖ്യമന്ത്രിയുടെ ദുരിതാശ്വാസനിധിയിലേക്ക് സഹായങ്ങള്‍ എത്തിക്കാന്‍ താല്‍പ്പര്യപ്പെടുന്നവര്‍ നോര്‍ക്ക റൂട്ട്‌സിന്റെ 080-25585090, 9483275823 എന്നി നമ്പറുകളില്‍ ബന്ധപ്പെടാവുന്നതാണ്.
<br>
TAGS : THIPPASANDRA FRIENDS ASSOCIATION | CMDRF
SUMMARY : Wayanad Rehabilitation; Thipasandra Friends Association donated rs 80,000 to the relief fund