ബെംഗളൂരുവിലെ തി​ര​ക്കേ​റി​യ റോ​ഡി​ൽ ബി​യ​ർ കു​ടി​ച്ച് ബൈ​ക്കില്‍ ഉല്ലാസയാത്ര; മൂ​ന്ന് യു​വ ഡോ​ക്ട​ർ​മാ​ർ പി​ടി​യി​ൽ

ബെംഗളൂരു: ന​ഗ​ര​ത്തി​ലെ തി​ര​ക്കേ​റി​യ റോ​ഡി​ൽ മ​ദ്യ​പി​ച്ചു​കൊ​ണ്ട് ഇ​രു​ച​ക്ര​വാ​ഹ​ന​ത്തി​ൽ യാ​ത്ര ചെ​യ്ത ഡോ​ക്ട​ർ​മാ​ർ അ​റ​സ്റ്റി​ൽ. സ്വകാര്യ ആശുപത്രികളിൽ ജോലി ചെയ്യുന്ന ധ​നു​ഷ് എ​സ്, അ​പൂ​ർ​വ, അ​വി​നാ​ശ് എ​ന്നി മൂന്ന് ഡോ​ക്ട​ർ​മാ​ർ ആണ് പിടിയിലായത്. മൂ​ന്നു​പേ​രും ഓ​ർ​ത്തോ​പീ​ഡി​ക് ഡോ​ക്ട​ർ​മാ​രാ​ണ്.

ബി​ടി​എം ലേഔട്ടിൽ ഞായറാഴ്ച വൈകുന്നേരമാണ് സംഭവം. ഇതിന്റെ വീഡിയോ ദൃശ്യങ്ങള്‍ സാമൂഹ്യ മാധ്യമങ്ങളില്‍ വൈറലായി. മൂ​ന്ന് പേ​ർ ഇ​രു​ച​ക്ര​വാ​ഹ​ന​ത്തി​ൽ സ​ഞ്ച​രി​ക്കു​ന്ന​തും പു​റ​കി​ൽ ഇ​രി​ക്കു​ന്ന​യാ​ൾ ബി​യ​ർ കു​ടി​ക്കു​ന്ന​തു​മാ​ണ് ദൃ​ശ്യ​ങ്ങ​ളി​ലു​ള്ള​ത്. വാ​ഹ​നം വ​ള​ഞ്ഞ്പു​ള​ഞ്ഞ് പോ​കു​ന്ന​തും കാ​ണാം. ഒരു പിൻസീറ്റ് യാത്രക്കാരൻ യാത്രയ്ക്കിടെ ഒരു ബിയർ കുപ്പി പിടിച്ച് കുടിക്കുന്നത് കാണാം.

Three orthopedic doctors arrested over this incident of triple riding and drinking on a busy road in Bengaluru. The trio were later released on bail & have been charged with negligent riding, not wearing helmets and drinking in public. pic.twitter.com/vTsqXh7B9f

— Deepak Bopanna (@dpkBopanna) March 23, 2026

വീ​ഡി​യോ പ്ര​ച​രി​ച്ച​തി​ന് പിന്നാലെ ബെംഗളൂരു സിറ്റി പോലീസ് സ്വമേധയ കേ​സ് രജി​സ്റ്റ​ർ ചെയ്തു. പിടിയിലായ മൂവരെയും പിന്നീട് ജാമ്യത്തിൽ വിട്ടയച്ചതായി പോലീസ് അറിയിച്ചു. ട്രി​പ്പി​ൾ റൈ​ഡിം​ഗ്, അ​ശ്ര​ദ്ധ​മാ​യി വാ​ഹ​നം ഓ​ടി​ക്ക​ൽ, ഹെ​ൽ​മെ​റ്റ് ഇ​ല്ലാ​ത്ത യാ​ത്ര, പൊ​തു​സ്ഥ​ല​ത്ത് മ​ദ്യ​പി​ക്ക​ൽ തു​ട​ങ്ങി നി​ര​വ​ധി കു​റ്റ​ങ്ങ​ളാ​ണ് ഇ​വ​ർ​ക്കെ​തി​രെ ചു​മ​ത്തി​യി​രി​ക്കു​ന്ന​ത്.

നഗരത്തിലുടനീളം മാർച്ച് 16 മുതൽ 22 വരെ ഒരാഴ്ച നീണ്ടുനിന്ന പ്രത്യേക എൻഫോഴ്‌സ്‌മെന്റ് ഡ്രൈവില്‍  മദ്യപിച്ച് വാഹനമോടിച്ചതിന് 634 കേസുകൾ രജിസ്റ്റർ ചെയ്തതായും അമിതവേഗത നിയമലംഘനങ്ങൾക്ക് 1.29 ലക്ഷം രൂപ പിഴ ഈടാക്കിയതായും ബെംഗളൂരു ട്രാഫിക് പോലീസ് അറിയിച്ചു.
SUMMARY: Young doctors arrested for drinking beer and riding bikes on a busy road in Bengaluru