പാലക്കാട്: കാളവണ്ടിക്ക് ബൈക്ക് യാത്രക്കാര് സൈഡ് നല്കിയില്ലെന്ന നിസ്സാര കാര്യ ചൊല്ലിയുണ്ടായ തര്ക്കത്തെ തുടര്ന്ന് യുവാവ് കുത്തേറ്റ് മരിച്ചു. കേരാംപ്പാറ സ്വദേശിയായ ഷെഫീഖ് (24) ആണ് കൊല്ലപ്പെട്ടത്. കേരാംപ്പാറ സ്വദേശികളായ നെല്സണ്, ജെൻസണ് എന്നിവരാണ് കൊലപാതകത്തിന് പിന്നില്. നെല്സണ് കാളവണ്ടിയുമായി റോഡിലൂടെ പോകുന്നതിനിടെ ബൈക്കില് എത്തിയ ഷെഫീഖിന് വഴി നല്കിയില്ല.
ഇതിനെ തുടർന്ന് ഇരുവരും തമ്മില് വാക്കേറ്റമുണ്ടായി. തർക്കം രൂക്ഷമാകുകയും ഷെഫീഖിനെ കുത്തുകയുമായിരുന്നു. ഗുരുതരമായി പരുക്കേറ്റ ഷെഫീഖിനെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം പാലക്കാട് ജില്ലാ ആശുപത്രി മോർച്ചറിയിലേക്ക് മാറ്റി. സംഭവത്തില് പോലീസ് അന്വേഷണം ആരംഭിച്ചിട്ടുണ്ട്.
SUMMARY: Young man stabbed to death in Palakkad
