ബെംഗളൂരു: തുടർച്ചയായി കനത്ത മഴ പെയ്യുന്ന സാഹചര്യത്തിൽ ധാർവാഡ്, ബെളഗാവി ജില്ലകളിലെ വിദ്യാഭ്യാസ സ്ഥാപനങ്ങൾക്ക് നാളെ അവധി പ്രഖ്യാപിച്ചു. ധാർവാഡ് ജില്ലയിൽ മഴ കാരണം ഇന്നലെയും ഇന്നും വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിച്ചിരുന്നു. മഴ തുടരുന്ന സാഹചര്യത്തിൽ നാളെയും അവധി തുടരുമെന്ന് ജില്ലാ ഡെപ്യൂട്ടി കമ്മീഷണർ അറിയിച്ചു. ഇത് സംബന്ധിച്ച് ഡെപ്യൂട്ടി കമ്മീഷണർ ദിവ്യ പ്രഭു ഉത്തരവിറക്കി.
ബെളഗാവിയിലെ രാംദുർഗ് താലൂക്ക് ഒഴികെയുള്ള എല്ലാ താലൂക്കുകളിലെയും മുഴുവൻ അംഗൻവാടികൾക്കും സർക്കാർ, എയ്ഡഡ്, അൺ എയ്ഡഡ് പ്രൈമറി, ഹൈസ്കൂൾ, പ്രീ-യൂണിവേഴ്സിറ്റി കോളേജുകൾക്കും ജില്ലാ ഭരണകൂടം നാളെ അവധി പ്രഖ്യാപിച്ചു. വിദ്യാർഥികളുടെ സുരക്ഷ മുൻനിർത്തിയാണ് അവധി പ്രഖ്യാപിച്ചിരിക്കുന്നത്.
TAGS: KARNATAKA | RAIN | HOLIDAY
SUMMARY: Holiday declared in educational institutions in two districts amid heavy rain
